| Статистика |
XOZIR SAYTDA 6 MEXMON 6 FOYDALANUVCHI 0 |
|
 | |  |
| Главная » 2010 » Август » 25 » Sensiz yashash azob...(davomi)
18:08 Sensiz yashash azob...(davomi) |
Noumid shayton ekan... Bir kuni gazeta o‘qib o‘tirib, ichidagi elonga ko‘zi tushgan ayolning joniga oro kirdi. U qayta-qayta o‘qidi. Elonda yozilishicha, bu kasalni bir zumda davolash mumkin yekan. So‘ngi umid ayolga hayotbaxsh etdi. Erining ishdan kelishini intiqib kutgan ayol, u kelganidan so‘ng og‘iz juftladi.
- Bugun gazetada yana....
U gapini boshlashga boshladi-yu ammo nima deb davom ettirishni bilmay qoldi.
Bir necha daqiqalik og‘ir sukutdan so‘ng , er gap nimadaligini sezdi chog‘i:
- Qo‘ysangchi endi bu gaplarni ! Xudo beraman demasa, bandasining qo‘lidan hech ish kelmas ekan ,- deya bu mavzuga nuqta qo‘ymoqchi bo‘ldi. Ammo :
- Nega qo‘yaman? ... Nima uchun?... Sizga baribir bo‘lishi mumkin, lekin men adoyi tamom bo‘layapman. Tengqurlarimni ko‘rsam ichimni it timdalaydi... Bugun bozorga chiquvdim , - ayol hiqqilagancha davom etdi, - Qishloqda birga o‘qigan sinfdosh dugonamni ko‘rib qoldim. O’g‘li maktabni bitiribdi, shunga shaharga o‘qishga kirmoqchi ekan. Yana ukalarining ham bo‘ylari cho‘zilib qolgan, seniki nechta bo‘ldi, deb xadeb so‘raydi. Ko‘zimni yerdan uzolmay qoldim... Yer yorilmadi-yu meni yutib ketmadi...
Iztirobdan yuzi bujmaygan er ayolining qo‘lini mahkam ushladi.
- Baribir foydasi bo‘lmasa-chi? Bu safar ham yana o‘sha gap bo‘lsa senam, menam ko‘tarolmaymiz...
- Mayli men chidayman. Nasib bo‘lsa, hammasi yaxshi bo‘lib ketar. Qaniydi yana o‘sha baxtli kunlarimiz qaytib kelsa... Siz rozi bo‘lsangiz bas....
So‘ngi umid... Shu ilinjda ular yana shifoxonaga yo‘l olishdi. Ayol qattiq ishonardi; Bu safar barchasi zo‘r...
Uning chexrasi avvallaridagidek bo‘lmasa-da ozgina ochilganidan eri ham xushnud edi. Lekin bezovta yuragi nimadandir vaximaga tusha boshlardi.
Do‘xtirning tavsiyalari bo‘yicha barcha muolajalar-u dori – darmonlar olindi.
Endi faqat sabr , kutish.... Qachongacha...
- Ikki-uch oy ichida davolanishlar o‘z natijalarini beradi. Umuman siqilmasangiz ham bo‘laveradi,- deya ishonch bilan gapirgandi do‘xtir.
Afsuski..... Yarim yil o‘tdi hamki biron bir o‘zgarish sezilmadi.
So‘ngi umid ... Barchasi barbod bo‘ldi . U erining yuziga tik qaray olmay qoldi. Go‘yoki bariga o‘zi sababchiday ... hammasiga u aybdorday...
Erining indamasligi, dardini ichiga yutib yuraverishi esa battar bag‘rini ezardi. Qani endi er-xotin o‘tirib hasratlashishsa, to‘yguncha yig‘lasa... Nima qipti shunday bo‘lsa? Axir ikkisining ham yuragi zardobga to‘lgan-ku...
Eri ayoliga qanchaliq vafodor, qanchalar mehribon-a? Biron marta "bolam yo‘q” deb nolimadi. Ayolini haqorat qilib, xo‘rlagani yo‘q. Farzandsiz ham shuncha yildan beri totuv yashashyapti. Agar uning o‘rnida boshqa bir nomard erkak bo‘lganidami... Bilmadim nimalar qilardi. Xotinini ne ko‘ylarga, ne azoblarga solardi...
Ayol shularni o‘ylar ekan , qatiy qarorga keldi. Hammasiga nuqta ko‘yadi. Erining xam boshqa ayolga uylanib farzandli bo‘lishga haqqi bor. Axir umri shunday, bir xilda o‘tib ketavermaydi-ku... Agar eriga qo‘yib bersa, u ayolini hech qachon tashlab ketmaydi. Shuning uchun ....
Avvaliga ayol buni aytolmay ancha o‘ylanib yurdi.
- Tinchlikmi, nega parishonxotir bo‘lib yuribsan? – deya bir kun gap boshlab qoldi er.
Barcha gapni aytishning ayni payti kelganini sezgan ayol maqsadga ko‘chdi.
- Siz bilan ortiq yasholmayman! Iltimos, keting!.... – dedi ayol yuziga qaxrli tus berishga tirishib.
Aslida esa …. Undan ajralishni umuman istamasdi. Lekin qachonlardir, kimdir bu xukmni o‘qishi aniq edi. Shunday ekan... ayol buni uzoqqa cho‘zishini xohlamadi. Xo‘jayni balki boshqa ayol bilan turmush qurganida baxtli bo‘larmidi?.. Balki.... Haliyam kech emas...
Shuning uchun ham ayol o‘zi istamasada o‘zini yengdi. Er huddi uning gaplarini eshitmayotganday, qimir etmadi.
- Gapiring, qachon ketasiz? – dedi ayol bo‘g‘zigacha bostirib kelgan yig‘ini to‘xtatishga tirishib.
- Hozir ruxing ancha toliqqan. Shunga... – erning gapi chala qoldi.
- Nima telbasan demoqchimisiz ? Xa shunday... Men telbaman...telba... Shuning uchun keting... Hoziroq...
Xotining ahvolini tushungan er yana indamadi.
- Sizga turmushga chiqqan men axmoq... – dedi ayol oxiri.
Bu gap baridan o‘tib tushdi. Erning jon – jonidan tegib o‘tdi. U xotiniga qo‘l ham ko‘tarmadi, haqorat ham qilmadi. O’rnidan turdi-yu indamay chiqib ketdi.
U qaytmadi...
Izillab yig‘layotgan ayol yuzini yostiqqa bosdi. U o‘zicha to‘g‘ri ish qilgandi. Xo‘jayini balki endi baxtini topar...
|
|
Категория: SEVGI |
Просмотров: 1788 |
Добавил: shadina
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
