Kel, deganda, noz qilmasdan kelsang
edi,
Gul berganda, qayrilmasdan olsang
edi.
O'zing qandoq yaxshiliging bilasan-u,
Seni qanday sevishimni bilsang
edi!
Bu dunyoga ozib yozib bir bor
kelib,
Nahot o'tsam hijronlarda bag'rim
tilib?
Sen yurasan dardim bilmay, qadring
bilib,
Seni qanday sevishimni bilsang
edi!
Muzni qanday eritishni
bilasan-a,
Suymaganni suydurishni
bilasan-a,
Laylolardan qolgan ishqni
bilasan-a,
Seni qanday sevishimni bilsang
edi!
Chora istab bechoraman men
chorasiz,
Fe'ling sabab ikkimiz ham
ovoramiz.
Ichi qora qiz ekansan, e
qora qiz,
Seni qanday sevishimni bilsang
edi!
Yetti iqlim, suv-havoni
bilasan-u,
Beshta qit'a, yer-samoni
bilasan-u,
Menga qara har baloni
bilasan-u,
Seni qanday sevishimni bilsang
edi!