Baribir, borar joyimiz qora
tuproq - qabr,
Insonga azaldan azizdir umr,
Dunyo lazzati gohida ko'pu, gohida kam,
Boriga shukr qil, yo'g'iga
sabr.
Jonginam, nechun qilasan
menga jabr,
Jabru sitamlaringda qolib
netaman,
Kechir jonim sendan ketaman.
Osmonda oy tanho qolgan bu kecha,
Bevafo sevgidan tongan bu
kecha
Dardli soz ayriliqdan chalgan bu kecha,
Sendan ketaman, sendan
ketaman.
Endi uchrashmaymish
go'zalim ishon,
Sog'inchim, azobim, hijronim ishon,
Faryodim, sahroda jayronim ishon,
Sendan ketaman, sendan
ketaman.
Ko'mirga aylanib qoldi
nigohlar,
Shohlarda sarg'ayar go'zal
gunohlar,
Ko'klarga tirmashib ketarkan ohlar,
Sendan ketaman, sendan
ketaman.
Osmon ko'z yoshidek turna
tizilar,
Oydan sukunatning ko'ngli
buzilar,
Mensiz kuningga ming gunoh yozilar,
Sendan ketaman, sendan
ketaman.