Samandar san'atning har sohasida o'zini sinab ko'rganlardan biri ekanligi hech kimga sir emas. Shu kunga qadar uni xonanda, qiziqchilik va ajoyib aktyor sifatida bilar edik. Buni qarangki, Samandar endilikda rejissorlik sohasiga ham qo'l urib ko'rdi. U tomonidan suratga olingan film qanday bo'ladi?

Samandarning rejissorligida suratga olingan filmning nomi "Hamelion" bo'lib, uning ssenariysi Evgeniy Palexovaga tegishli. Ushbu filmda Bobur Yo'ldoshev, Gulnora Qosimova, Saida Rametova, Matyoqub Matchonov, Yayra Abdullaeva hamda boshqa bir qator aktyorlar o'ziga xos rollarni ijro etishgan. Qizig'i shundaki, filmga ikkita saundtrek ham tayyorlangan. Birinchi saundterk qo'shiq Samandarning o'zi kuylagan bo'lsa, ikkinchisini esa "Radius 21" bilan duet tarzida ijro qilinadi. "Hamelion" filmining prem'erasi aprel oyining o'rtalarida bo'lishi rejalashtirilgan. O'ylaymizki, Samandar Hamroqulov bu sohada ham o'zini ommaga ko'rsata oladi.