2010-yilning 1-10-may kunlari Rossiya poytaxti Moskva shahrida butunjahon raqs olimpiadasi o`tkaziladi. Marisom vaqtida chempionat, tanlovlar, kongress va raqsning 40 ta yo`nalishi bo`yicha master-klass yig`inlari o`tkazilishi rejalashtirilgan. Marosim 5 ta rasmiy raqs federatsiyalari boshchiligida o`tkazilmoqda. Olimpiada tashkilotchisi – Butunrossiya raqs tashkiloti. 2001-yilda ilk bora o`tkazilgan Butunrossiya raqs festivali dunyo san`at ahlida qiziqish uyg`otdi. Natijada 2007-yilga kelib mazkur festival Butunjahon raqs olimpiadasi nomini oldi va unda dunyoning turli mamlakatlaridan ishtirokchilar qatnashishadi.
