Bundan bir necha yil ilgari o'zbek shou-biznesi olamida o'z nomiga ega bo'lgan va eng qimmat kliplarni tasvirga tushirib, barchani diqqatini tortgan Roksana bir necha yil sukut saqlaganidan xabaringiz bor. Mana endi Roksana yana ijod ostonasini bosib o'tmoqda. Roksananing ijodga qaytishiga "Slavyanskiy bazar" festivalida 4 o'rinni zabt etgani asosiy turtki bo'ldi.
Belorusiyaning Vitebsk shahrida bo'lib o'tadigan mazkur xalqaro festivalda dunyoning turli qirralaridan 16 nafar ishtirokchi qatnashgan va unda Roksana O'zbekiston nomini dunyoga tanitib, faxrli 4 o'rinni egalladi. Hozirda Roksana o'z ijodiy yo'nalishini biroz o'zgartirgan holda klub yo'nalishidagi qo'shiqlar kuylashga kirishdi. Uning klub yo'nalishidagi ilk qo'shig'i rus tilida bo'lib, "Navajdenie" deb nomlanadi. Unga taniqli klipmeyker Jasur Shametov tomonidan qimmatbaho klip suratga olinmoqda. Qo'shiq musiqasi Sergey Rahmatov (Serj) ijodidan.
