| Статистика |
XOZIR SAYTDA 8 MEXMON 8 FOYDALANUVCHI 0 |
|
 | |  |
| Главная » 2010 » Январь » 23 » РАЙҲОН.ТЎКИС БАХТ УЧУН НИМА ЕТМАЙДИ?
03:34 РАЙҲОН.ТЎКИС БАХТ УЧУН НИМА ЕТМАЙДИ? |
-Тасодифий
хато қилиш, билмасдан туриб бошқани хафа қилишни кечирса бўлади. Аслида
Аллоҳнинг бандалари билиб-билмай хато қилиб туради. Яратган каби
кечиримли бўлмоғимиз керак деб ўйлайман. Ёмон мақсадда бировнинг дилини
яралайдиган инсонларни авф этиш жуда мушкул!
2.Сўнги содир бўлган ҳодисалардан қай бири сизни таъсирлантирди?
-2009
йилда содир бўлган иккки воқеа мени ларзага солди. Мусиқа оламида катта
йўқотишлар бўлди. Майкл Жексон ва Мўмин Ориповнинг тўсатдан, фалокатли
тарзда орамизни тарк этгани менга қаттиқ зарба бўлди. Бири кумирим,
иккинчиси яқин дўстларимдан бири эди. Уларнинг охирати обод бўлсин!
3.Қайси тарихий даврда яшашни истардингиз?
-Истамас
эдим, бироқ, яшаб кўриш қизиқ бўлган давр Қадимий Миср ва Рим. У
пайтлар ҳозиргидек ижод қилиш одамларга қай даражада қизиқарли бўлиши
ҳақида айни пайтда ўйлаб қолдим!
4.Севимли адабий ва театр қаҳрамонларингиз?
-Ромео...Чунки,
у севги учун жонини фидо қилишга тайёр эди. Кино оламини севаман.
Бироқ, театрни ёқтирмайман. Чунки, театр атмосферасини ҳис қилишим
қийин. Мюзикл томоша қилиш эса жону дилим.
5.Замондошларингиз орасида кимлар сизга кўпроқ ёқади?
-Бугун
ёшларнинг илмга чанқоқлигини кўриб, улар билан фахраланаман. Синглим,
жиянларим мисолида, замон ёшларининг билимга олишга интилиши, тил
ўрганишга, маънавий доирасини кенгайтиришга бўлган ҳаракати ҳавас
қилишга арзигулик. Мана шундай замондош ёшларни ҳурмат қиламан.
6.Кимсасиз оролга қайси китобни ўзингиз билан олиб кетардингиз?
-Майкл
Жексоннинг "Moon Walk” китобини олиб кетарди. Кумиримнинг афтобиографик
тарзда ёзган ушбу китоб мени зериктириб қўймаслигига ишонаман.
7.Дўстлардаги қайси хислатларни қадрлайсиз?
-Интизом,
яхшилик, қўллаб-қувватлаш каби хислатларини жуда ҳурмат қиламан.
Дўстларим яхши кунимда менинг қувончимга шерик бўлса, дардли кунларимда
дардкаш. Дўстларимнинг қалб тозалиги ва гўзаллиги учун қадрлайман!
8.Характерингиздаги энг муҳим қирра?
-Ишлаш қобилиятининг кучлилиги бўлса керак! Ижод қилишни севаман!
9.Энг катта камчилигингиз?
-Сўнгги
пайтларда ўзимга қай даражада қаттиққўл ва талабчан бўлсам,
атрофимдагиларга ҳам шундай йўл тутяпман. Иш бор жойда бусиз асло илож
йўқ!
10.Қайси сўз ёки иборани кўп ишлатасиз?
-"Биласизми?”
11.Энг кўп пулингизни ҳеч иккиланиб ўтирмасдан ва ачинмасдан ниманинг харидига сарфлагансиз?
-Чиройли
туфли кўриб қолсам бўлди. Пулининг қанчалигининг аҳамияти йўқ. Ҳатто
туфлиларим кўплигидан уйда жой ҳам муаммо (кулади).
12.Пулни яхши кўрасизми?
-Пулни яхши ё ёмон кўраман деб айта олмайман. Лекин пул ҳақида аниқ хулосам бор. У эркинлик яратади.
13.Энг ёқтирган машғулотингиз?
-Касбим. Яъни ижодим.
14.Сизни кўпинча нималар чарчатади?
-Айрим
одамлар сайтларга кириб, бўлмағур ва аҳмоқона фикрлар ёзишади. Уларга
жуда ачинаман. Наҳот, тафаккур ва онгини яхши нарсалар билан бойитиш
ўрнига, сафсатабозликка сарфлашади. Яхшилик йўлида фойдаланишни
билишмайди. Назаримда, бундай нусхалардан, бошқалар дилига озор
берадиганлардан эл ҳам безор бўлса керак. Олдин бундайларга роса
эътибор берардим. Ҳозир уларга эътибор бериш учун бекорчи вақтим ҳам
ҳоҳишим ҳам йўқ!
15.Йигит ва қизлар исмларидан сизга энг ёқадиганлари?
-Менга жарангдор исмлар ёқади. Қизларнинг исмларидан Самира, Ширин, йигитларнинг исмларидан Сарвар, Сардор, Бегзод...
16.Севимли шаҳарларингиз?
-Туғилиб ўсган жонажон шаҳрим Тошкентимдан қўймасин!
17.Ҳаётда қайси шиорга амал қиласиз?
-Соломон
узугидаги ёзув ҳамон ёдимда. "Бу кунлар ҳам ўтиб кетади”. Ростдан ҳам
ҳеч бир жонзот абадий эмас. Шундай экан, тақдиримга ёзилган умр
мобайнида ҳаётимни гўзал ва одамларга яхшилик улашиб яшамоқчиман.
18.Қандай ноёб хислатга эга бўлишни истардингиз?
-Шундай ноёб қобилиятим бўлсаки, ҳаммага соғ-саломатлик улашсам! Ҳеч ким, ҳеч қачон бемор бўлмаса!
19.Тўкис бахт учун сизга нималар етмайди?
-Менинг ўз оилам.
20.Ҳаётда қандай ютуқларга эришдим деб ўйлайсиз?
-Ўз
касбим бор. Санъат оламида ижодим туфайли мухлислар орттирдим, уларнинг
ҳурматига, муҳаббатига сазавор бўлдим! Бундан ортиғи бўлмаса ҳам керак!
Жасур ҲАМРОЕВ
|
|
Категория: ШОУ-Бизнес |
Просмотров: 957 |
Добавил: JAVOXIR
| Рейтинг: 3.0/2 |
Добавлять комментарии могут только зарегистрированные пользователи. [ Регистрация | Вход ] | |
|
|
