|
Сиз соғинган Юлдуз Усмонова яқин
кунларда фаранглар юртига отланади. Францияга уюштирилган бу сафар
гастрол ҳам, Эйфел минорасида қаҳва ичиб ҳордиқ чиқариш ҳам
эмас...Ўзбек санъати примадоннаси бир ватандошимизнинг бахт тўйида
хизматда бўлади!
*** 
Райҳоннинг "Севавераман” қўшиғига
олинажак клипга 4 май куни старт берилади. Клип учун ғайриоддий ва
баҳашам қурилган декорацияда хонанда Гита билан хавфли олишувни
бошлайди. Гита билан қизиқяпсизми? Аввалроқ хабар берганимиздек,
мушуксимон йиртқич...Йўлбарс! Эксклюзив фотосуратларни 4 май куни
кутинг!
*** Шоира Отабекова мутлақ миллий услубда қўшиқ куйлашни ният қилди. Янги таронани Иқбол Муҳаммаджон ёзади.
***  Дубайда оилавий дам олиб,
чарчоқларини араблар жазирама қумларига ташлаб келган Озодбек
Назарбеков 13 майдан бошлаб юртимиз бўйлаб гастрол концертларини
бошлайди. Айтишларича, хонанданинг барча концертлари стадионларда бўлиб
ўтади. Қизиқ, бир пайтлар стадионларни Анвар Санаевдан бошқаси тўлдира
олмасди. Омад байроғини ҳилпиратиш бахти Озодбекка ўтган
кўринади...Назарбековдан кейинги навбат кимга экан? Бу ҳақда олдиндан
тахмин қилиш ярамайди. Бироқ, ўзгариш бўлишига ишониш мумкин.
JASUR HAMROYEV
| 
