| Статистика |
XOZIR SAYTDA 5 MEXMON 5 FOYDALANUVCHI 0 |
|
 | |  |
| Главная » 2011 » Декабрь » 13 » " Tashlap ketmang, Onajon.... "
11:41 " Tashlap ketmang, Onajon.... " |
Assalamu alaykum Qadrdonlarim. Hozir ijodimga eng qalbga yaqin she'rimni sizlarga armug'on etishni istadim. Yoshlik havasi deb,öz jigargo'shasidan kechadigan Onalarni hech tushunmiman. Boqa olmiman, sharoitim yo'q,-deb abort qilishadi, tashlap ketishadi. Farzand Robbimni eng shirin mevasi, nahotki, vos kechish shunchalar oson bo'lsa. Shahzod guruhining eski - " Qizaloq" she'ridan ta'sirlanganimda yozgan sevimli ijod mahsulim. She'rlarim ichida bu boshqacha man uchun...
Marhamat...
Ulug' inson bo'lmaydi.
Farzandini havaslardan
Ardoqlovchi bo'lmaydi.
Orzulardan bunyod bo'lgan
Qalbingizman, Onajon.
Vujudingiz bir parchasi
Tashlab ketmang, Onajon !
Yetimlarni shum boshini
Silovchilar köpdur,lek
Menga sizning mehringiz ulug'
Tashlab ketmang, Onajon !
Men bilaman,siz ham mansiz
Afsuslardan adosiz
Iltijoni qilib so'zsiz
Tashlab ketmang, Onajon.
Farzandlikdan olib meni
Yetimlikka tashlamang
. Yetimlikni noni qattiq
Havaslarni hushlamang.
Hayotingiz marvaridi
Qalbingizni nuriman
Qilmang mehrlarga muhtoj
Tashlab ketmang, Onajon.
Qanchalarni mushtoq qilib
Yoningizda turibman
Befarzandlar nidosiman
Mehringiz istab turibman.
To'qqiz oyda mehringizdan
To'yolmagan ojizman
Shu hayotim qo'lingizda
Tashlab ketmang, Onajon !
Qancha inson tirnoqqa zor
Qanchasidir qilar xor
Nechun, Ortingizga boqmay
Ketmoqdasiz, Onajon !
Kelajakda hali sizni
Baxtga ko'mib, berib jon.
Xizmatingiz shu bo'ynimda
Tashlab ketmang, Onajon.
Yurak urishingiz tinglab
Mehringizni boy bildim.
Yolg'iz sizni " Onam " deya,
Ona mehrin his qildim.
Allohimni menga bergan
Risqi sizda, Onajon.
Ketmang, meni risqim qiyib
Tashlab ketmang, Onajon.
Mehringizdan o'zga mehr
O'rningizni bosolmas
Tug'ilishim o'zi sehr
O'zga Onam bo'lolmas.
Qattiq xatolarni qilib,
Qilmang, bag'ringizni qon
Xatolardan xato yasab
Tashlab ketmang, Onajon !
Har soniya yangrayverar
Nidolarim, faryodlarim.
Axir meni aybim nedur... ???
Namdur boqqan Qarog'larim...
Havaslardan, gap - so'zlardan
Farzand shirin, Onajon.
Ko'z yoshimni to'kib- to'kib
Tashlab ketmang, Onajon.
Farzandlikdan olib meni
Yetimlikka tashlamang.
Yetimlikni noni qattiq
Havaslarni hushlamang.
Bu dunyo ham o'tar, ketar
Havaslarni quchoqlab
Oxiratda yolg'iz sizga
Suv tutaman, Onajon..!
Menda sizni haqqingiz bor
Olmaysizmi, Mehribon...?
Mensiz qanday yashab to'kis
Baxtlimisiz, Onajon...?
Meni mehringizdan yulib
Kimga mehr beryapsiz?
Bir murg'akni zor- zor qilib
Kimni to'kis qilyapsiz?
Nahot, meni bu yashashim
Sizga keladi malol
Haqqim yöqmi,nahot meni
Baxtli yashash, shumi hol.
Bag'ringizga bu qahrlar,
Qay manzildan keldi, nega?
Bir parcha-yu, panohsizga,
Bu alamlar kerak, nega?
Ko'zlarimga intizorlik
Tuyg'usini joylamang.
Onasini kutib yotgan
Sog'inchlarga boylamang.
Bu hayotga to'yolmagan
Boshga yana sinov, nega?
Ilk daqiqa Armonlar-u,
Sog'inchlarni berib, nega?
Tushlarimga kirib ko'p bor
Boshginamni silaysiz
Ammo tongda yana meni
Tashlab qayga ketasiz?
Mehringizga ravo ko'rmay
Nechun, Bag'rim tig'laysiz ?
Ko'zlarimga g'amni joylab,
Yana nelar tilaysiz ?
Qo'llarimni ko'kka cho'zib
Yolg'iz sizni so'rayman
Meni tashlab ketmang, deya,
" Baxtim " sizga tilayman.
Umringizni bahorini
O'chiryapsiz, Onajon.
Tashlab, endi kimdan Vafo
Kutayapsiz, Onajon.
Bu dunyoni matohlari
Mendan afzal bo'ldimi
Odamlarni gunohlari
Kechirimli bo'ldimi ?
Ko'chalarga boqib doim
Onam, sizni izlayman.
Meni olib ketarmi, deb
Takror - takror o'ylayman.
Nega, meni bir umrga
Zor - intizor qildingiz ?
Aybimni ham aytmasdan,
Ko'zda yoshlar qildingiz ?
E'tiboringiz uchun Tashakkur...
_IROSH_
|
|
Категория: SHERIYAT |
Просмотров: 1971 |
Добавил: Irosh
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
