|
MUXABBAT... Nima o`zi U?
"Muxabbat bu - Armon!" javob beradi ko`rimsizgina xotiniga ishora qilarkan, sevgisiga yetolmay majburan boshqasiga uylangan o`ttiz yasharlik omadsiz oshiq.
Muxabbat? Bu PUL!" ko`kragiga mushtlaydi sevgan qizi uni tashlab boyrog`iga "qarab" ketgan baxtsiz yigit...
"Muxabbat? Bu koreyslarda bo`ladi..." xonasiga kattakon qilib ilib qo`yilgan "Qish sonatasi" dagi Jun Sang ni rasmini siypalarkan, shivirlaydi o`n yetti yasharlik hayolparast qiz.
" Muxabbat? A bizzi davrda..." kemtik tishlarini namoyish qilib, "chimildiqda uyg`onar muxabbat" dostonini boshlab qoladi sakson yashar momo. . . .
Birov u deydi, birov bu...
Muxabbat kim uchundir AYRILIQ, kim uchundir internetda uyg`ongan uyg`ongan "ishqiy kechinmalar", kim uchundir xiyobonni xilvatroq yerida qo`l ushlashib o`tirishu, kim uchundir soatlab telefonda valaqlashish...
Aniq javob esa hamon mavhum. Muxabbat nima o`zi a???
- Murodjon, sen kimni sevasan, aytib qo`y! - qo`shnimizning kelinini etagiga boshini yashirgancha uyalib, onasining qo`lidan ushlab turgan to`rt yasharlik o`g`lini xiringlab so`roqqa tutadi. - Yo`-o`!, - noz qiladi "oshiq". Bir qancha yalinib, yolvorishlar-u, shokolad olib berish sharti bilan "yigitcha" va nihoyat "ko`ngil" yoradilar: - Kamolani! - Bog`chadagi Kamolami? - Ximmm... - Qanaqa qiz Kamola? - Chiloyliii... - Katta busang nima qilasan? - Kamolani olaman... - Olib nima qilasan? - Achom qilaman.!
Ana sizga muxabbatu, ana sizga "oshiqlik"! O`ylanib qolamiz. Bolalarning bu qadar tez "ulg`ayib", "bolalarni laylak olib, tashlab ketishi"ga safsatadek kulib qarashlariga nima sabab bo`lyapti? Uch - to`rt yasharlik bolani "sevib qolishiga", Ikkinchi - uchinchi sinf o`quvchisini qo`shni partadagi qizga xat yozishiga, o`smir bolalarning qulog`idan telefon tushmay qolishiga, sotka jonivor "sevsam seni, sevmasang meni" kabi SMS larga to`lib- toshib ketishiga nima undayapti???
Aylanaverib - aylanaverib "xit" bo`lguncha "xit" qivoradigan qo`shiqlarmi?
Muxabbatni "mohirona" ko`rsatib beradigan zamonaviy filmlarmi!?
Yo qahramonlarning bir-birini sevib qolishiyu, oxirida "rasvo" kadrlari bo`lgan chet el multfilmlarimi!? Yana mavhumlik...
Bugun "Men seni sevaman " so`zlarini aytish, "Men ishga ketyapman" degandek gap bo`lib qoldi, degandi bir tanishim kuyunib. Darhaqiqat. Bayramda sotuvchiga "Mening yagonamga" degan tabriknomadan yigirmata bervoring" deydigan latifadagi yigitning gapiga bugun hech kim kulmaydi.
Bir "tajribali muxabbatshunos" ikkinchisiga nasihat qilyapti: "Men seni sevaman" nimasi qiyin aytishning? Bir soat avval U qizga aytding nima, xozir bunisiga? Muhimi ikkoviyam xursand. Biri bilan "yursang", ikkinchisi "zapaska"!
Muxabbat... Yigitning sevib qolishiga, yuragini "sayratvorishiga" undaydigan narsa nima? Birinchi navbatda albatta CHIROY. Qomatlari kelishgan, sochlari yoyilgan, kipriklari uzunligidan yuzlariga soya tashlagan go`zalni sevmay bo`ladimi!?
Qiz uchun- chi? "Menga tashqi chiroy muhim emas, avvalo yuragi go`zal bo`lsin!" deganlari bekor gap. Xuddi shu gapni aytgan qizning oldiga bir ko`rimsiz yigitni olib kelib "Unign yuragi go`zal tegasanmi!?" deb ko`ring?
Bugun qizlarga qanday yigitlar yoqadi? O`qimishli deysizmi? Yo`q. Mehnatkash? Topolmadingiz. Bugun qizlarga serial qahramonlariga o`xshagan (Jun Sangga, Mehmetbeyga, Po`lat Alamdarga, Seyman og`ayu Kenantoyga o`xshagan bo`lsa yana yaxshi) yigitlar yoqadi. Seriallar, seriallar... Qaysi qiz serial ko`rishni yoqtirmaydi? Qaysi qiz muxabbat dardida ezilib ado bo`lgan koreys seriallari qahramonlariga qo`shilib yig`lamaydi, "ana muxabbat!" deb? Xuddi o`shanaqa "romantik munosabatlar" ni orzu qilib yashamaydi? Ota - onasiga tap tortmay "Mana shu yigitni sevaman!" deb aytadigan, "Sevgisi uchun kurashadigan", bilagiga sevganining bosh harfini o`yib yozvoladigan qizla paydo bo`la boshlaganiga aynan shu "g`amboda" seriallar sabab bo`lmayaptimikin?
- Nega shumshayib o`tiribsan?- xol so`rayman aza tutgandek qovoq o`yib o`tirgan do`stimdan. - Eeeyy, bu sevgi degani azob ekan...- "Obbo, muxabbatni azoblamagan sen qoluvding o`zi" shunday deyman-u, baribir dardiga quloq tutaman. - Bir qizni sevib qolgandim, haligacha javobini aytgani yo`q... - Nimaning javobini?- rosti birdaniga tushunmayman, biror savol berib javobini eshitmoqchimikin, qizdan yo? - Muxabbatimni-da... Men seni sevaman dedim u bo`lsa, indamadi. Tavba! Indamaganmush... Nima deyish keregidi? "Men ham sizni sevaman, roziman, sovchilaringizni yuboring, indinga fotiha, bir xaftadan keyin TO`Y!" deyish kerakmi!? Sevishdan maqsad faqat sevilihs emas-ku, axir?
Sevgan insoningdan men seni sevganim uchun sen ham meni sevishing kerak deb iddao qilish... Bu muxabbat emas! Muxabbat nima o`zi? Bormi o`zi? Bo`lsa qayerda?
- Muxabbat yo`q! - deydi bobo o`n besh yashar nabirasiga. - Bo`lmagan ham. - "Bo`lmagan gap! Muxabbat bor..." shunday deydi-yu nabira qo`shni qizning jingalak sochlarini, oppoq yuzlarini o`ylab jilmayib qo`yadi.
Oradan yillar o`tadi, qo`shni qiz ulg`ayib, qo`shni mahallaga erga tegib ketadi... Nabira ham ulg`ayib, peshanasiga yozilganiga uylanib, bola-chaqalik bo`ladi... Va bir kun kelib U ham hayolparast nabirasiga "Muxabbat yo`q!" deb nasihat o`qiydi...
Muxabbat bo`lgan. Bugun ham bor. Ertaga ham bo`ladi. Faqat zamonlar osha U o`zining aslini, qiyofasini, tushunchasini o`zgartirib boradi, xolos...
Bugun bizlarga Majnun Laylining ishqida sahroga bosh olib ketganini aytib urib ham ishontira olmaydilar. Otabek Kumushga biror marta ham "Sevaman" demagan desala, biz ularning ustidan kulishga tushamiz.
Biroq ming inkor qilinmasin, toptalmasin, har kim o`z aqliy darajasidan kelib chiqib uni ta`riflamasin, himoya qilinmasin, MUXABBAT BOR!!! U baribir yashaydi, zora uning borligi uchun ham hayot go`zaldir.
| 
