|
Maqolam boshida shuni aytib o'tmoqchiman men bu mavzuda qizlar taraf bo'lib ularni tarafini olmoqchimasman va kelinlik haqidagi maqolamni xursand bo'lib o'qigan ayrim yigitlarimizni ranjitmoqchiham emasman.
Avvalgi sahifalarda juda ko'p uchratdim, nafaqat uchratdim balki o'zim ham fikr qoldirdim. Balki bu mavzuni siyqasi chiqib ketgandir, balki endi ta'sir ham qilmas. Shuning uchun bu masalaga bugun pardaning orqa tomonidan qarab yondashmoqchiman. Ha avvalgi mavzularni eslatsam bu qizlarning yurish turishi, kiyinishi haqida edi. Keling shu bugun qizlarni tinch qo'yaylikda(bu bilan men qizlarni aslo oqlamoqchi emasman va o'z o'rnida oriyatini bilgan yigitlarga ham qarata aytmoqchimasman) yigitlarimiz o'zimizdan o'tayotganlariga bir razm solaylik(albatta bu borada besh qo'l barobar emas).
Qizlar hijob o'rniga yevropacha kiyinishmoqda.
Avval o'zingga boq... Qizil gulli sariq sho'rtik kiyib olgan yigitlar(avvalgi multfilmlarga razm solsak qahramonlarning ich kiyimi shunday bo'lardi) qizlarni hijob kiyib yurishi kerakligini uqtirasizlaru, sahobalar, payg'ambarlar kiyib yurgan rido nimaligi haqida o'ylab ham ko'rmaysizlar. O'zingizmasmi tor jinsi, ko'z-tosh qadalgan qip-qizil ko'ylakni tanlagan. Payg'ambarimiz Muhammad Mustafo(s.a.v) erkaklarga ham tor, badanga yopishib turuvchi libosda yurishni qoralaganlar.
Sochi uzun o'zbek qizlari qayda?
Ha tan olib aytish kerak hozir qizlardan ko'ra ayrim yigitlarni sochi uzunroq bo'lib ketmoqda(balki qizlarjon shoirimiz Muhammad Yusuf aytganlaridek: "Kipriklari uzun kokillaridan" degan misralarga havas bilan qarashayotgandir). To'g'ri islom erkaklarga soch o'stirishni chegaralamagan, ammo bu borada ayollardan farqli bo'lishni ta'kidlagan. Yana shuni aytish joizki: "Sochlarini turmaklagan, ho'llangandek ko'rsatib turuvchi vositalardan foydalanganlarga la'nat bo'lsin" deyilgan.
Zebu-ziynatlar ham shunga yarasha.
Ba'zi qizlarimiz taqib olgan taqinchoqlarni ko'ramizu "osilmagan choynakni qopqog'i qopti" deymiz. Ammo qulog'iga zirak taqqan yigitlarni ko'rsakchi?...
bo'yniga tilla zanjir, qo'liga tilla uzuk, braslet taqqan yigitlarimizga qarata shuni aytmoqchiman: Islom dinida erkak kishiga har qanaqa tilladan yasalgan taqinchoqlarni( uzuk, soat, braslet, zanjir) taqish qat'iy harom qilingandir.
Tatuirovka rusm bo'lmoqda.
Payg'ambarimiz(s.a.v) aytdilar: "Ulama soch taqqanga, badaniga o'yib yozdirganga Allohning la'nati bo'lsin". Sir emas hozirda tatuirovka moda va "iftihor" belgisiga aylanmoqda. Igna bilan sevgan qizini ismini qo'llariga o'yib yozadiganlar ham buni gunoh ekanini biladilarmi?
Tirnoqlaringiz o'zingiznikimi?
Darhaqiqat zamona zayli bilan yigitlarimiz bu borada ham qizlarimizga yetib olishdi. Tirnoq qo'yish makruh amal bo'lishi bilan birga meditsina tomondan ham olib qarasak bakteriya, infeksiyalarga "pitak" vazifasini o'taydi.
Bunday "zamonaviylikdan" mustasno bo'lgan yigitlarimizga gaplarim taalluqli emas.
DAVOMI BOR...
| 
