 Ўзбекистонда хизмат кўрсатган артист Озодбек Назарбеков ўзбек санъатида ажойиб янгиликка биринчилардан бўлиб қўл урмоқчи! Тўғри, бу лойиҳа Туркияда аллақачон довруғ қозониб бўлган. Бироқ, Ўзбекистонда ҳали биринчи маротаба.(Бу янгилик хонанданинг айрим ҳамкасбларининг энсасини қотириши аниқ. Кимларнидир хурсанд қилар? Ҳа, энди наилож...) Озодбек турк юлдузи Иброҳим Тотлисаснинг ашаддий мухлисларидан бири. Унинг Туркия ТВсидаги "Ибо шоу"си эса Озодбекнинг севимли кўрсатувларидан. Демак, ҳаммаси қизиқиш ва иштиёқдан бошлангани аниқ! "Озод шоу" ёки яна қандайдир...ҳали аниқ ном йўғ-у, бироқ ҳаракат бор. Шоу давомида хонанда барча истеъдодли санъат вакиллари ижодини кенг оммага намойиш этади.Бундан ортиқ яхши қўллаб-қувватлаш бўлмаса керак. Энг қизиғи, ушбу шоу-дастур қайси телеканалда намойиш этилишида! Ахир, ТВда кўплаб юлдузлар "таъқиқ" рўйхатида-ку?! Балки, ҳар ой кичик залларда концерт дастурлари сифатида ўтказилиб, "Мувад-видео" орқали СДларда сотувга чиқарилар?! Янгиликларни кузатишда давом этамиз! Дарвоқе, Озодбек даврингиз келибдими, давронни суринг... Кўряпмиз, биляпмиз, амин бўляпмиз...Ҳаммаси ўткинчи! Ҳаммаси...
Жасур Ҳамроев
|
