|
Кеча тунда хабар берганимиздек Радиус-21 хонандаси Шахзод Ғуломов оламдан ўтди.
Унинг сўнгги кунлари нималар билан банд бўлганлиги, унинг сўнгги янгиликлари билан Шахзоднинг маъмури Умид бўлишди:
-Хозирда
оила аъзолари ахволи яхши, уларга уйга рухсат хам берилди. Шахзод
хонанда Зебо билан "Олиб кетгин тушинга” номли ажойиб дуэт куйлаганди.
Унга клипни Америкада олишни режалаштирганди. Шу йил октябрь ойида
Америкага гастроль сафари хам бор бўлган. "Алишер и друзья” қўшиғи
оммалашгач, унга фильм суратга олиш таклифи тушганди. Бу хам режада
бўлган. Дубайнинг "Bigbear” фирмаси билан лойихалар мавжуд эди, уларга
джингл хам куйлаб берганди. Шундан сўнг мазкур фирма Шахзодга
хомийлик қилишни истаб араб тилида рэп хам буюртма берганди.
Яна сўнгги пайтлар "Фаёз-медиа” продюсерлик маркази билан лойихаси
бўлган, ундан ташқари бу марказга Шахзод директор бўлиши хақида таклиф
хам тушганди. Шахзоднинг яна бир амалга ошмаган режаси бу, 20та дуэтдан
иборат альбом чиқармоқчи эди.
Эслатиб ўтамиз, Шахзод Ғуломов тв-да "Радиус-21″
кўрсатувини олиб борган. Кейинчалик "Акфа-Медиа” продюсерлик маркази
қошида "Радиус-21″ гурухи солисти сифатида фаолият юрита бошлаган.
Унинг Нигора билан куйлаган "Шекспир монологи” дуэти хит бўлиб Шахзодни
яхшигина машхур қилган.
"Акфа-медиа”дан кетгач ўзи фаолият юрита бошлади. Сўнгги
пайтлар гарчан тв ва радиоларда "прома”си суст бўлган бўлса-да, ижод
намуналари тарқалиб турган эди. Охирги оммалашганларидан "Фериде”
таронасини сайтимизда мухокама қилгандик. Шунингдек бизнинг
сайтимиздаги "Жонли ижро” лойихасида яқиндагина иштирок қилиш истагини
билдирганди….
| 
