| Статистика |
XOZIR SAYTDA 6 MEXMON 6 FOYDALANUVCHI 0 |
|
 | |  |
| Главная » 2012 » Январь » 1 » Nima qilishga hayronman.
21:28 Nima qilishga hayronman. |
|
Men, odatda, dardimni doston qilishni yoqtirmayman. Biroq, bu gaplarni kimgadir aytmasam, yorilib ketishim mumkin edi.
Biz eng yaqin do`stlar edik: men, do`stim va U(qiz). Bir domda turardik, bir bog`chaga, bir maktabga bordik, bitta sinfda o`qidik. Hech qachon bir-birimizni ranjitmasdik. Men va do`stim oramizda eng urushqoqlar, U esa o`rtamizdagi hakam edi. Uning uchun doim men haq edim.
Do`stim uni sevardi. Do`stim juda ochiq fe'lli bo`lgani uchun Unga sevgisini aytolmay qiynalardi.
To`qqizinchi sinfda o`qib yurgan kezlarimizda do`stim Unga sevgi izhori qilishga qaror qildi. 14-fevralda kechki mahal yigi`ladigan bo`ldik. O`sha kuni qor yog`ib, sovuq bo`lgandi. U birinchi bo`lib, mening oldimga chiqdi. Do`stimning oldiga ketayotganimizda, U menga sevishini aytdi. Men tosh qotib qoldim. Shu kuni tongda do`stim Unga sevgi izhori qilmoqchi ekanligini aytgandi. U do`stimning oldiga chiqmadi. Do`stim o`sha kuni ikkimizni ham uyimizdan chiqara olmadi. Ertasiga do`stimga bor gapni aytib berdim. Do`stim mendan hafa bo`lgan bo`lsa kerak. Do`stim doim mendan keyin edi: o`qishda, ijodda, sportda, muomalada... Endi qizlar borasida ham... Bu do`stimga og`ir bo`lishi turgan gap edi. Do`stim menga hafa emasligini aytdi. Men do`stimdan faqat bir narsada orqada edim: do`stim doim alamini ichiga yutib, quvnoq ko`rinishga urinardi va bu uning qo`lidan kelardi. Men ikki o`t orasida qoldim. Do`stim siqilganidan, U uyalganidan menga gapirmay qo`yishdi.
Maktabni bitirish arafasida do`stimga yaxshilik qilgim keldi. Do`stim bilan gaplashib, Bir o`yin o`ynashga qaror qildik. Men yoshim yetib, bolalik ketia boshlagan vaqtlarim edi.
Bitirish kechamizda do`stim bilan o`zaro janjal chiqardik. Men do`stimni masxara qildim. U doimgiday oramizda "qozichilik" qilishga tirishdi. Mening nohaqligimni aytdi. Men esa Uning bunday deyishga haqqi yo`qligini, U men tomonda bo`lishi kerakligini aytdim. U sababini so`raganida butun sinf oldida uni sharmanda qiladigan so`zlar bilan haqoratladim. U nima qilishini bilmay qoldi. Do`stim esa Uning tarafini olib, men bilan rejadagiday "gaplashdi"...
Do`stim va U shaharning boshqa chetiga ko`chib ketishdi.Shundan keyin do`stim Uning ishongan tog`iga aylandi. Men esa Uning uchun dunyodagi eng yomon inson bo`lib qoldim.Do`stim esa ikki o`rtada qolib ketdi.
Mana yaqinda do`stim armiyadan keldi. Do`stim va U to`y qilishmoqchi. To`y 07.01.12da. Menga esa taklifnoma kelmadi(to`g`rirog`i, do`stim taklif qildi, U esa bunga qarshi). Men Unga yomon ko`rinib to`yga boraymi?.. Yo do`stimning shunday kunida yonida turmaymi?.. Nima qilishga hayronman.
|
|
Категория: FIKR-MULOHAZA |
Просмотров: 2091 |
Добавил: Goldmax
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
