Австралиянинг Мельбурн шаxрида жойлашган Монаш университетининг олимлари кейинги йилда кўрув асаб толаларини четлаб ўтиб, инсон миясига сигналларни узата оладиган симсиз бионик интерфейсни клиник синовдан ўтказишни бошлайдилар. Бу курилма нафакат тўр пардаси, балки кўрув асаби – кўздан сигналларни мияга узатувчи канали жарохатланган умуман кўрмайдиган инсонлар учун хам буюмларнинг шаклларини кўриш имконини беради. Автралияликлар томонидан яратилган сунъий кўз иккита кисмдан ташкил топади. Биринчи кисми бу жуда кичик ўлчамдаги микросхема бўлиб, у мия ичига ўрнатилади. Иккинчи кисми ташки кайд этгичлар бўлиб, улар сифатида ракамли камера ўрнатилган кўзойнак ишлатилиши мумкин. Кайд этгичдан сигналлар чипга (яъни, миянинг кўрув зонаси хужайраларига) тўп парда ва кўрув асабини четлаб ўтиб, тўгридан-тўгри симсиз алока ёрдамида узатилади. Бионик интерфейсни синовдан ўтказиш мўлжалланганидек 2015 йилда бошланади. Бу синовлар тадбиркор Марк Безен ва Монаш университети ректори Алан Финкел томонидан ажратилган маблаглар хисобига амалга оширилади. Улардан хар бири бу лойиха учун 1 млн доллардан маблаг ажратишган. Яна бир млн доллар микдоридаги маблагни университетнинг ўзи такдим килади.
