Alisher Navoiy nomidagi kinosaroyga yo`l olar ekanmiz do`stlarimizdan davlat filmi sifatida suratga olingan "Uqubat” filmini tomosha qilish taklifini oldiku shu kartinani tomosha qilishga chog`landik. Xullas, shu haqida o`z fikrlarimizni bayon etamiz. 

Orif Yo’ldoshev va Najmiddin G’ulomovning "Uqubat” nomli filmi odam savdosiga bag’ishlanganligi bilan e’tiborni tortadi. Davlat kinosi bo’lganligi uchun ham ushbu filmga jiddiy e’tibor qaratilganligi sezilib turadi. Filmda odam savdosining ayanchli oqibatlari juda yaxshi aks ettirilgan. Har qanday tomoshabin tomosha jarayonida bu ishga qo’l urganlardan o’z nafratini yashira olmaslik barobarida bu ishning naqadar tubanligini ham anglab yetadi. Kartina jinoyatchilarning kirdikorlari va ichki ishlar xodimlarining mashaqqatli faoliyati yoritilganligi bilan ham qiziqarli chiqqan.

Mahoratli aktyorlar ansambli bilan bir qatorda yangi chehralarning ham kashf etilganligi film muvaffaqiyatini ta’minlaydi.