|
Mayin esgan har bir shabada
Eslatadi menga o'tmishni,
Xayol olib qochar bir zumda
Hadya aylab yana sog'inchni.
Xayol ketar bo'lsa sen tomon
Qo'msab sen-la kechgan onlarni,
Sog'inch dilni o'rtaydi yomon
Bedor kutib necha tonglarni.
Orom bermas har dam visoling
Telba aylab mening holimni,
Sening husning, sening iboing
O'g'irlagan tinch hayotimni.
Nechun qalbga kirib so'roqsiz
Muhrlading aslo o'chmas iz,
Majnunsifat bo'lib sahroda
Tanho sensiz qoldimmi yolg'iz?!.
...
Senga ko'ngil berib, nima topdim men,
Sog'inchdan o'zgani ko'rmading ravo.
Qaydanam uchratib seni o'sha dam,
O'z qalbimga o'zim ayladim jafo.
Bilmadim, unutmoq osonmi buni,
Har nega chidarman yod etib seni.
Kun kelib men tomon tushsa gar yo'ling,
Xazonlar bag'ridan izlagin meni!..
|
