Hozir siz aynan mushtlardan o’lasi holatga kelgan bosh qahramon holatida bo‘lishingiz mumkin, lekin bu degani yotib qolishingiz kerak, degani emas. E’tibor bering, bir oliy o‘quv yurtiga nechta abituriyent hujjat topshiryapti-yu, ularning nechtasi talabalik safiga qabul qilinmoqda. Keling, sonlar "gapira” qolsin.  

Deylik, o’qishga kirolmagan abituriyentlar soni 250 ta. Grant asosida 10 ta, to‘lov-kontrakt asosida 15 ta bola qabul qilingan. Demak, 275 ta abituriyentdan faqatgina 25 tasi talabalik baxtiga musharraf bo’lgan, 250 tasi "yiqilgan”. Bu - sizga o‘xshagan yana 249 ta abituriyent bor degani. Ba’zi institutlarda kirolmagan abituriyentlar soni mingdan ortadi. Demakki, "O‘qishga kira olmadim”, -  deb siqilish, uyalish juda ham o‘rinli emas ekan.

Balki, noto‘g‘ri solishtirishni amalga oshirayotgan bo‘lishimiz mumkin, lekin bir narsa aniq: odam o‘ziga o‘xshaganlar mavjudligi bilan taskin topishga odatlangan. 

Ho‘sh, endi nima qilasiz? Hammasiga qo‘l siltab, boshqa ishga o‘tib ketasizmi yoki g‘arb filmi qahramonlari kabi o‘zingizni qo‘lga olasizmi? Ishoning qancha irodasizlik qilib, qancha kech o‘zingizni qo‘lga olsangiz shuncha kechikasiz. Do‘stim, oliy o‘quv yurtiga kira olmaslik, hayotning butkul tugashi emas. Hayot davom etadi. Shu sababli ham vaqtni hech ham zoye qilmay, harakatni boshlang! Aks holda, keyingi yil avgust oyida ham shu kabi maqolani o‘qishga majbur bo‘lasiz.

DARS QILISH USULLARI

Erta tongda dars tayyorlashning foydalari:- 

- Miyangiz dam olgan

- Shahar havosi tunda tozalangan. Bu miyamizni tozaroq kislorod olish ehtimolini ko’paytiradi

- Shaharni miyani charchatuvchi shovqini hali boshlanmagan

- Oilamiz uyquda. Shu sababli uyda ham hamma joy tinch

- Televizorda diqqat tortuvchi dasturlar hali boshlanmagan

- Telefonda gaplashadigan odamlarimiz uyquda

- Ko’chaga aylanishga chiqishni ko’ngil istamaydi.

- Uyqumiz kelmayapti

- Bir kun oldingi ma’lumotlarni arhivlagan miyamizning hayol olamiga sayohat qilish ehtimoli juda kam

- Diqqatimiz ochiq

Formulalarni kodlash orqali o’rganing

Yodlab olishingiz kerak bo’lgan formulalarni, boshqa formulalar bilan aralashtirib yubormaslik uchun miyamizga kodlab joylashtirishingiz kerak. Masalan, ingliz tilida ishlatiladigan ba’zi biri bo’g’lovchilardan keyin will fe’li ishlatilmaydi. Shu bog’lovchilarni eslab qolish uchun shu bog’lovchilarning bosh harflaridan so’z yasab eslab qolish qulay:

W: when

A: after

B: before

A: as soon as possible

U: Until

Bularni birlashtirib, WABAU shaklida eslab qolish ancha qulay hisoblanadi.

Mavzularni guruhlang.

Ba’zan hotiramizga olishimizga kerak bo’lgan ma’lumotlarning soni ko’zimizni qo’rqitadi. Balki, bizga juda katta olomon kabi ko’ringan predmetlar bir necha guruh ichida ifodalanishi mumkin.

Katta qo’y suruvi yonidan o’tgan odamdan "Nima ko’rding?” deb so’ralganda: "Bir qo’y suruvi, ikkita it va cho’pon ko’rdim” deydi. Ya’ni, ko’rgan narsalarini guruhlaganida hotirasida saqlab qolishi juda ham qulay bo’ladi. Hotirada saqlab qolinishi kerak bo’lgan ma’lumotlar yaxshilab taxlil qilib olinganidan keyin, o’xshashlari bilan birga guruhlanishi kerak.