Dugonalaringiz haqida ham gapirib o‘ting.
– Bilasizmi, men ko‘proq o‘zimdan katta opalarim bilan do‘stlashganman. Ular bilan ko‘proq muloqat qilaman.

Qanday mavzuda suhbatlashish siz uchun qiziqarli?

Hamma mavzuda. Ko‘proq g‘iybatlashib o‘tiramiz. (Kuladi.)

Sir saqlay olasizmi?
– Yaxshisi menga hech kim sirini aytmagani ma’qul. U sirni saqlash men uchun ortiqcha yuk. O‘zim ham birovga sirimni aytmayman. Ya’ni ko‘nglimning tub-tubidagi sirim – o‘zim uchun oddiy bir informatsiya. Boshqalarga oshkora qilishim ham shart emas.

Yolg‘iz qolganingizda nimalar haqida ko‘proq o‘ylaysiz?
– To‘g‘risini aytsam, ijodim haqida o‘ylayman. Qanday qilsam ijodim yaxshi ketarkin, qanday mavzuda kuylasam muxlislarimga yoqarkin deb o‘ylayman. Va albatta yana oilam haqida o‘ylayman. Hech bir ishim, daqiqam oilamni o‘ylamasdan o‘tmaydi.

Hayotda nimani yoqotish evaziga nima topdingiz?
– Mana hozir o‘smir yoshidan o‘tib katta hayotga qadam qo‘yganman. Hozirgi hayotimda duch keladigan muammolarimni bartaraf qilishda o‘sha o‘smirlik chog‘imdagi DARSlar asqotyapti.

Mehr-muhabbat haqida tushunchangiz…
– Mehr-muhabbatni men bir-biridan ayro qabul qila olmayman. Mehr bor joyda muhabbat bor, muhabbat bor joyda mehr bor. Mehringiz tushgan insonga muhabbatingiz ham oshadi.

O‘zbek qizlariga xos fazilatlar nimalardan iborat deb bilasiz?
– O‘zbek qizlariga xos fazilat birinchi navbatda FAROSAT. Menimcha o‘zbek qizlari shu xislati bilan ajralib turadi.

Qaysi fasl sizning hayotingizda chiroyli xotiralarga boy?
– BAHOR. Chunki bahorda tug‘ilganman. Bahorda turmushga chiqqanman. Yaxshi yomon kunlarimning barchasini bahor taqdim etgan. Bundan faqat xursandman.

Ijodiy yangiliklar…

Jonli musiqiy jamoa tuzdik. Hozirgi kunda doimiy ravishda tayyorgarlikni boshlab yuborganmiz. Bundan tashqari kinoga suratga tushish, yangi albom ustida ishlashga ham ulguryapman.

“Bevafolar” mavzusidagi qo‘shiqlaringiz qachon nihoyasiga yetadi?

Nihoyasiga yetdi. Yangi “Deyman-deyman” nomli sho‘x taronamni eshitmadingizmi? Endi faqat sho‘x qo‘shiqlar kuylayman. Agar keyinchalik ko‘nglimdagidek o‘g‘ir tarona yaralib qolsa albatta ijro etaman, reperturim uchun. Lekin endi faqat sho‘x qo‘shiqlar kuylayman.

Bolalalik deganda ko‘z oldingizda gavdalanadigan lavha…

Faqat va faqat Marg‘ilon.

Sizni yoshlik, go‘zallik tark etsa qanday yo‘l tutasiz?

San’at menda bo‘lgan bilan uni egasi boshqa, ya’ni muxlislarim, xalqim. Bor san’atimni xalqqa berib bo‘lganimdan so‘ng nima qilaman? Eng yaxshisi uyda o‘tirish-da. Balki artofimda shogirdlarim bo‘lishar…

Nilufar, o‘zingizga yoqqan sh’erning to‘rt qatorini aytib bera olasizmi?

Ha albatta. ( Madhiyamizni xirgoya qila boshladi.)