Oybek va Nigora "Akfa-media” tomonidan e'lon qilingan kastingda g'olib chiqib, o’tgan vaqt mobaynida xalqimizning nazariga tushib, ajoyib juftlik yarata olgan deb aytish mumkin. Oybek va Nigora ijodidagi eng so’nggi yangiliklar bilan o’rtoqlashdi. O'zbek shou-biznesida samarali ijod qilib kelayotgan Oybek va Nigora dueti bugun saytimiz mehmoni!
www oybeknigora uz nomi ostida shu yilning may oyida rasmiy saytingiz o’z ish faoliyatini boshladi. Lekin saytingizga tashrif buyuruvchilar soni ozchilikni tashkil qilmoqda. Bu ijodingiz sustligidanmi, yoki…?
- Oybek:
Yo'q, nega endi?! So’nggi 4 oy ichida 5 ta tarona yaratilgan bo’lsa,
shulardan 3 tasi uchun klip suratga olib, muxlislarga taqdim qildik.
Bilasizmi, o’zbek shou-biznesiga aloqador bir nechta saytlar o’z
faoliyatini olib bormoqda. Ushbu saytlarda birgina ijodkor haqida
yozilmaydi, balki ko’plab san’atkorlarning hayotida yoki ijodidagi
yangiliklar yoritiladi. www oybeknigora uz
rasmiy saytimiz faqat Oybek va Nigoraning hayoti va ijodiga
bag’ishlangan. Shunday bo’lishiga qaramay, kunlik saytga tashrif
buyuruvchilar soni 80-100 ta hostni tashkil qilmoqda. Bu juda yuqori
natija, menimcha.
- Nigora:
Haqiqatdan ham, Oybek aytganlaridek, biz qizg'in ijoddan to’xtab
qolganimiz yo’q. Rasmiy saytga mas’ul bizning matbuot kotibimiz Durbek
Shofayziyev. Ular saytga barcha ma’lumotlarni joylash bilan birga
matbuotda berib borilayotgan kichik xabardan tortib, katta
suhbatlargacha mas’ul hisoblanadilar.
Ijod qilyabsizlar lekin unchalik natija ko'rinmayotganday....
- Oybek:
Birgina "Afsus bilmaysan” taronasiga ishlangan klip, o’zbek
shou-biznesida yangilik bo’la oldi. Juda ko’p vaqt davomida reytingning
yuqori pog’onalarini egallab turdi. Buni rasmiy saytimizda
joylashtirilgan so’rov natijalaridan ham ko’rish mumkin.
- Nigora:
Biroz avval retro "Boboy jonim” taronasini yangicha uslubda ijro qilgan
edik. Hozirda "Creative” studiyasi va rejissor Sarvar Isaev tomonidan
ishlangan klip telekanallar orqali namoyish qilinmoqda.
Oybek sizga yoqqan, lekin Nigoraga yoqmagan qo'shiq bormi?
- Oybek: (O’ylanib). Menga hamma qo'shiqlarimiz yoqadi. Agar yoqmaganida, ularni kuylamagan bo’lardim.
- Nigora: "Yuguraman” nomli qo'shiq avvaliga menga yoqmagan (Oybek Nigoraga xayron bo'lib qaraydi).
2009
yilning so’nggida "Akfa-Media” prodyuserlik markazi bilan imzolagan
shartnoma vaqti tugaganligi sababli, ularning tarkibidan ajralib
chiqqan edinglar. Hozirda o’zingiz ijod qilyapsizlar. Qiyinchiliklar
tug’dirmayaptimi?
- Nigora: Yo'q, juda oson. Mazza qilib, erkin ijod qilyapmiz. Hammasi zo'r.
Oybek & Nigora "Akfa-Media”dan chiqib ketgach, Ziyoda bilan munosabatlariga darz ketganday bo'ldi...
- Nigora:
Nega endi? Ziyoda bilan munosabatlarimiz avvalgidek. Bo’sh
vaqtlarimizda ko'rishib turibmiz. Telefonlashib ham turamiz. Xatto shu
yilning bahor faslida Andijon shahrida o’tkazilgan "Universiada 2010”
sport musobaqasining ochilish hamda yopilish marosimlarida birga
ishtirok etdik. Andijonda xatto, bitta mehmonxonada istiqomat qildik.
- Oybek: So’nggi paytda odamlarning shu kabi mish-mishlarni tarqatishlariga o’rganib ham qoldik.
Munosabatlar yaxshi bo'lsa nega unda birga qo'shiq kuylamay qo'ydingizlar?
- Nigora:
Kuylayapmiz. Yaqinda "Akfa-Media” prodyuserlik markazining 5-yillik
to'yi bo'ladi. Shu munosabati bilan hozirda yangi tarona yaratilmoqda.
Ushbu taronani albatta ular bilan birgalikda ijro qilamiz.
Bir-biringizning xarakteringizdagi kamchiligingizni bilasizmi?
- Oybek: Nigora doim kech qolib keladi.
- Nigora: Oybek doim erta keladi... (Kulishadi).
O'zingizni xarakteringizdagi kamchilik-chi?
- Oybek: Kamgap insonman.
- Nigora: Sergap insonman (Kulishadi).
10 yildan keyin o'zingizni qanday tasavvur qilasizlar?
- Nigora: Xuddi hozirgiday!
Sizlarning ashaddiy muxlislaringizdan biri rasmingizni olib, montaj qilib bizga yuborganlar. Ushbu rasmlarni www.sherlar.uz sayti orqali namoyish qilsak bo’ladimi?
- Nigora: Albatta. Avval o'zim bir ko'rsam degandim... Ha, yo'q mayli syurpriz bo'laqolsin... Joylayvering.
Muxlislarga tilaklaringiz...
- Oybek: Doimo salomat bo'lishsin. Biz doimo qalbingizdamiz. Biz siz bilan.
- Nigora: Muxlislarimiz omon bo'lishsin. Biz doim ular uchun kuylaymiz. Sizlarga ham o’z navbatida taklif etganingiz uchun tashakkur.
|
