Ритик Рошан иштирокидаги «Крриш» кинофильмининг қозонган муваффақиятидан сўнг Болливудда бир қанча суперқаҳрамонлар ҳақида кинофильмларни суратга олиниши режалаштирилган. «Magic Man» кинофильмида бош қаҳрамон образини талқин этиш Нейл Нитин Мукешга топширилган бўлса, Кунал Капур унинг рақиби тарзида намоён бўлади.
Болливуднинг ёрқин юлдузи Шохрух Хон бу каби фантастик фильмларни барча қоидаларга тўлиқ амал қилган ҳолда суратга олиш лозимлигини таъкидлаб ўтган. Негаки, Голливудда юксак даражада ривожланган ушбу кино жанри ҳиндистонга асталик билан кириб келмоқда. Фильм учун сарфланган маблағ биргина хато туфайли қопланмай қолиши ҳам мумкин. Голливудда бу каби фильмларга ўртача ҳисобда 50 миллион доллар сарфланса, Болливуд кинофильмлари учун ўртача ҳисоб 14 миллион долларни ташкил этади. Сарф-харажатдан ташқари мелодрама жанрига ўрганиб қолган ҳинд томошабинлари суперқаҳрамонлар ҳақидаги фильмларни қандай қаъбул қилиши ҳам мавҳум.
