Оила куришга одатда эркак томон харакат бошлайди ва энг аввал муносиб келин ахтаришга киришилади. кандок келин энг муносиб келин хисобланади? Бу саволга турли халклар турли вахтларда турлича жавоб берганлар.
Мусулмонлар бошка нарсалар катори бу нозик масалада хам ўз динлари кўрсатмаларига амал килганлари учун Аллохнинг мархамати ила хеч кийналмаганлар.
Уларга бу ишда Ислом шариати ёрдамга келган. Пайшамбаримиз соллаллоху алайхи васалламнинг ўзлари бир канча хадиси шарифларида муносиб келин кандок бўлишини баён килиб берганлар.

Абу хурайра розияллоху анхудан ривоят килинади:
«Набий соллаллоху алайхи васаллам:
«Аёл тўрт нарсаси учун никохланади: моли учун, хасаби учун, жамоли учун ва дини учун. Бас, диндорини танла, кўлинг тупрокка корилгур», дедилар».
Бешовлари ривоят килишган.
Шарх: Бирор аёл кишига уйланишдан олдин унинг кизиктирадиган сифатларига каралади. Ушбу хадиси шарифда ўша никохига рагбат килинадиган аёлда бўлиши лозим яхши сифатлардан тўртта энг машхури ва оммавийси хакида сўз кетмокда.
Агар ушбу тўрт сифат–мол хам, жамол хам, хасабу насаб хам, дину диёнатга кўшилиб, бир кизни музайян килиб турса, албатта, яхши.

Аммо мазкур тўрт сифат бир-бири билан солиштирилганда улар орасида диндорликка тенг келадигани йўк. Балки колганларга яна бошка бир канча яхши сифатлар кўшилса хам диндорлик сифатига ета олмайди.
Чунки молдорлик вактинча. Колаверса, мол-мулкининг кўплиги келиннинг ховликишига, куёвни ва унинг якинларини менсимаслигига сабаб бўлиши хам мумкин екан. Диндорлик бўлмаган жойда кўпинча молдорлик нокулай ишларга сабаб бўлиши турган гап.