|
Бугун Москвадан қайтган Обид Асамов сафар таассуротларини биринчи ва эксклюзив тарзда сайтимиз билан бўлишди:
-Ҳозиргина аэрапортдан келдик. Москвага
қадрдон дўстим Вячеслав Петросяннинг туғилган кунига боргандим. Жуда
ажойиб ўтди. Мусиқий кеча кемада уюштирилгани боис Москва дарёсида
18.00дан тонги 3.00 гача суздик. Базмга дўстимни қутлаб Россия
шоу-бизнесининг энг таниқли вакиллари Алла Борисовна, Игорь Крутой,
Иосиф Кабзон кабилар ташриф буюрди. Бошловчилик микрофонида Максим
Галькин бўлди. Ўйин-кулгу ўз йўлида. Бироқ, бу кеча кулгу ва
хушчақчақликсиз татимасди. Навбат бизга ҳам етди. Мени қандай кўринишда
чиқишим кўпчиликка қизиқ эди. Чопон, дўппимизда кўриб, Алла Борисовна
ҳам диққат тортди. Рубобни қўлга олиб, "Танавор”ни бошлаган эдим,
Пугачёванинг кўзига секин назар ташладим. Алланинг кўзларида ёш!
Буёғига ўзбекча латифа ва ҳазиллар бошланди. Энг муҳими, дўстимнинг
туғилган кунида, асосан санъат аҳлидан иборат 300 та меҳмонига оз
бўлса-да кўтаринки кайфият улашган бўлсам, бахтиёрман.
Мана шунақа! Обид Асамов сўнгги пайтларда
ўзимизнинг ОАВларда маълум сабабларга кўра кам кўринса-да, шов-шувли
воқеалар билан ҳамиша ҳамроҳ. Ижодий барака ёғилаверсин, жаноб Асамов!
Jasur HAMROYEV
|
