|
Sport tadqiqotlari xalqaro markazi (CIES) ayni vaqtdagi eng qimmat futbolchilarni aniqlash bo‘yicha izlanishlar olib bordi, deb xabar beradi “Sport- Ekspress”.
Markaz xodimlari bir qancha mezonlar bo‘yicha futbolchilarning bahosini chiqarishga harakat qildi: o‘yinchilarning amaldagi shartnomasi va yoshidan tortib, uning terma jamoa va klubdagi oxirgi o‘yinlari statistikasigacha inobatga olindi.
Deyarli 251 million yevroga baholangan “Barselona” hujumchisi Lionel Messi eng qimmat futbolchi deb topildi. Kuchli uchlikka Neymar va Eden Azar kiritildi. “Real” forvardi Krishtianu Ronaldu esa eng qimmat o‘yinchilar orasida 4-o‘rinda qayd etildi.
CIES talqini bo‘yicha dunyoning eng qimmat futbolchilari:
1. Lionel Messi (“Barselona”) – 250,7 million yevro
2. Neymar (“Barselona”) – 152,7
3. Eden Azar (“Chelsi”) – 130,5
4. Krishtianu Ronaldu (“Real”) – 114
5. Garri Keyn (“Tottenxem”) – 91,3
6. Rahim Sterling (“Manchester Siti”) – 89,8
7. Antuan Grizmann (“Atletiko”) – 88,3
8. Luis Suares (“Barselona”) – 86,3
9. Serxio Aguero (“Manchester Siti”) – 82,1
10. Aleksis Sanches (“Arsenal”) – 81,9
Eslatib o‘tamiz, 2015-yilning iyun oyida CIES Messining transfer narxini 255,3 million yevrodan 280,8 million yevrogacha baholagandi.
| 
