|
«Мегафон» уяли алоқа операторининг Кавказ филиали Рамазон ойи муносабати билан ўз мижозларига «Исломий портал» хизматини таклиф қилмоқда, деб хабар беради компаниянинг матбуот хизмати.
«Айтайлик, Сиз бирорта сура ёки нашидани ёзиб олмоқчсиз – овозли менюдан керакли бўлимни танлайсиз. Бироздан сўнг телефонингизга ISLAM рақамидан WAP-линк кўрсатилган SMS-хабар келади. Бу линкни босиб, керакли овозли файлни телефонингизга юклаб оласиз. Бундан ташқари, Сиз Россиянинг бош имомининг муборак Рамазон ойи муносабати билан сўзлаган табригини ҳам тинглашингиз мумкин», дейилади компаниянинг мурожаатида.
Шунингдек, бу хизмат доирасида намоз тақвими SMS хизмати ҳам ишга туширилган бўлиб, унга обуна бўлганларга мазкур ISLAM рақамидан 10 кунлик намоз вақтлари хабар қилиб турилади.
| 
