"Transformerlar” filmi asoschisi Maykl Bey o`tgan yil natijalariga ko`ra Gollivudning eng ko`p pul ishlab topgan kishisi deb qayd etildi. U 125 million dollar bilan mazkur ro`yhatga boshchilik qilmoqda. Bu ro`yhatdan faqatgina ijodkorlar o`rin olgan bo`lib, kinosanoatdagi turli firmalar, agentlar o`rin olmagan. "Avatar” filmi rejissyori Jeyms Kameron 50 million dollar bilan 4-o`ringa loyiq topildi. Ro`yhat 31-dekabr holatiga tuzilganligi sababli rejissyor shu o`ringa mos topilgan. O`sha paytda uning ijod mahsuli bo`lgan "Avatar” 830 million topgan edi. Bugungi kunga kelib bu ko`rsatkich 2 milliard dollardan oshib ketgan.
Top-40 ga Emma Uotson (30 million), Nikolas Keyj (28 million), Jonni Depp (25 million), Robert De Niro (24.5 million), Jorj Kluni (22 million), Anjelina Jolli (21 million), Jenifer Eniston (20 million), Robert Pattinson (18 million), Klint Istvud (17 million), Bred Pitt (13.5 million) kabi mashhurlar kiritilgan.
Quyida sizga dastlabki 10 talikni keltiramiz:
1. Maykl Bey – 125 million;
2. Stiven Spilberg – 85 million;
3. Roland Emmerix – 70 million;
4. Jeyms Kameron – 50 million;
5. Todd Filipps – 44 million;
6. Deniel Redkliff – 41 million;
7. Ben Stiller – 40 million;
8. Tom Xenks – 36 million;
9. Jey Jey Abrams – 36 million;
10. Jerri Brukxaymer – 35.5 million;