Ko’pgina ajoyib hamda takrorlanmas kliplarni suratga oluvchi inson,
Yodgor Nosirovni deyarli barcha tanisa kerak albatta. San’atkorlar
orasida ham "o’z ishining professionali” degan nomni qo’lga kiritgan
Yodgor akani shu kunlarda qizg’in ijod pallasida ko’rishimiz mumkin.
Faqat…
Yuqoridagi fotosuratni ko’rib Yodgor Nosirov "hamshiralar orasida
klip olayotgan bo’lsa kerak” degan fikr sizda paydo bo’lgan bo’lsa ajab
emas. Lekin haqiqatda esa bunday emas.
Ushbu fotosuratlarni ko’rib "Yodgor Nosirovning bu ikki yoshga nima
aloqasi bor ekan”, yoki "bular yangi chiqayotgan honandalar bo’lsa
kerak” deya savolga taxminiy javob berib qo’yishga ulgurgan bo’lsangiz
ajab emas. Taxminlaru gumonlarga keling chek qo’ygan holda javob
bersak. Demak shu kunlarda taniqli klipmeyker Yodgor Nosirov
"SHARQ Sinema” bilan hamkorlikda yangi "Taqdir o’yini” nomli filmni
suratga olish bilan band. Yuqoridagi ikki yosh esa ushbu filmning bosh
qaxramonlari bo’lmish Munisa Rizayeva hamda Sanjar Qodirovlardir. Yana
"Yodgor aka bu ikkisiga oq fotixa bermoqda" deya o'ylay ko'rmang. Film
haqida ko’pgina ma’lumotlarni ijodkorlar hozircha sir saqlashmoqda.
Lekin bir sirni ochishimiz mumkin, filmda Dilnoza Kubayeva hamshira
sifatida namoyon bo’ladilar. Qolgani esa Yodgor Nosirov tomonidan ayni
kunlarda olib borilayotgan film montaj ishlaridan so’ng oshkor qilinsa
ajab emas.
