|
KECHIR MENI, SEVISHIMNI AYTOLMADIM
Seni dedim ko‘zlaringga qarolmadim,
Hatto sendan hol ahvoling so‘rolmadim,
Sog‘inib men yonginagga borolmadim,
Kechir meni, sevishimni aytolmadim.
Ko‘z yosh bilan yonginamga kelar eding,
Hol ahvolim so‘rab zimdan kular eding,
Sog‘inganim ko‘zlarimdan bilar eding,
Kechir meni sevishimni aytolmadim.
Menga bunday nigoh bilan boqma endi,
Dilginamga o‘t-olovlar yoqma endi,
Baxtsizman deb o‘z-o‘zingni so‘kma endi,
Kechir meni sevishimni aytolmadim.
Sevdim ammo yuragimda asrab keldim,
Qalblarimda, og‘ushimda saqlab keldim,
Ostonangga bordim ammo qaytib keldim,
Kechir meni sevishimni aytolmadim.
BIR KUN KELARSAN
Yor, sеni kutyapman ko`zlarim giryon,
Yuragim ezildi jamoling eslab.
O`tiraman xomush, ko`nglim parishon,
Tеlba bo`lib qoldim visoling qo`msab.
Yor, sеni kutyapman yuragim vayron,
Faqat bir bor ko`ray еtolmasam ham.
Sеvishgan lahzalar o`tgan har bir on,
Mеni kundan kunga qiynar tashvish-g`am.
Yor, sеni kutyapman ko`nglimda armon,
Sеni tеzroq ko`rish orzusidaman.
Hеch narsa bo`lolmas dardimga darmon,
Qayg`u alamlarning yog`dusidaman.
Yor, sеni kutyapman har lahza, har on,
Hozir kеlar dеya sеni o`ylayman.
Mayli kеlmasang ham yurgin sog`-omon,
Qalbim navolarin oyga so`ylayman.
Orziqib kuiyapman, kutarman hamon,
Umrim oxirigacha kutavеraman.
Toki jismim ichra bor ekan bu jon,
Yolg`iz sеni kutib o`tavеraman.
MUHABBATDAN KETOLMAYMAN
Qurib qoldi ko’zda yoshim
Yurak to’lsa yig’lolmayman.
Hijronga etmas bardoshim
Shodlikka dil bog’lolmayman
Qafasdagi qushcha misol
Yoninga hech borolmayman.
Suvdek oqib ketdi visol
Tushimda ham ko’rolmayman.
Olis yulduz bo’lding ko’kda
Yaqin turib etolmayman.
Dardimni tangrimdan o’zga
Hech kimsaga aytolmayman.
Ey bevafo, bu qilmishing
Ne deb atay bilolmayman.
Hushim yo’qdir baht tilashga
Bahtsizlik ham tilolmayman.
Muhabbatdan kechib ketding
Menchi, bunday etolmayman.
Bir umrga armon bo’lgan
Muhabbatdan ketolmayman.
OMON BO'LSANG BAS
Mayli, yod etmagin meni bir bora,
Sendan menga mayli kelmasin bir sas.
Mayli, sen unutgin mening ismimni,
Menga bu dunyoda omon bo`lsang bas.
Boshing toshdan bo`lsin qayda bo`lsangda,
Lek yurak toshligi tilagim emas.
Mayli senga aziz bo`lsin boshqalar,
Sen mening qalbimda aziz bo`lsang bas.
Bilmam senga etmoq bo`larmi nasib,
Balki sen bo`larsan armon yo havas.
Agarda orzuing ushalsa mensiz,
Menga armonliging unutmasang bas.
SHUKRONA
Kunlarim o’tmoqda sensiz bema’no,
Faqat surating-la suhbat quraman .
“Yonimda bo’lsang gar edi durustroq “,-
Deymanu ,shunga ham shukur qilaman .
Sevaman shubhasiz jonimdan, biroq
Sevadimu deya bag’rim tilaman .
Azob berar menga shu ishq ,shu firoq ,
Shu dardning boriga shukur qilaman .
Bu dardni bermasmish Alloh har kimga ,
Yuragim to’lsada garchi kulaman.
Sevgi deb quyibdi uning nomini
Seva olganimga shukur qilaman.
SIZNI SEVAMAN
Zolimlar sizni yomon desalar
Sizni izlab dunyo kezaman.
Meni sizdan ayirsalar ham,
Biling faqat sizni sevaman.
Shamollar sochingiz silaganida
O‘zimni xayolan yolg‘iz sezaman.
Muhabbat y‘llari berk bo‘lganda ham
Biling faqat sizni sevaman.
Yolg‘izlikda qolsam nogahon,
Go‘yo dengiz uzra suzaman.
Mensiz yashay ololsangiz ham
Biling faqat sizni sevaman.
SENI SEVIB YASHAYVERAMAN
Yondirib meni parvo qilmaysan
Armonlar kuyida qaqshayveraman
Qanchalik mendan olis bo’lmagin
Men seni sevib yashayveraman.
Sog`inib sog`inchim ayta olmasam
O’zgalardan seni so’rayveraman
Menga qancha beparvo bo’lma
Men seni sevib yashayveraman.
Kulib ko’zlaringga boqqim keladi
Sen tomon nigoh-la bo’zlayveraman
Menga begona bo’lsang ham jonim
Men seni sevib yashayveraman.
SEVIB BO'LMAYDI
So’zlaringiz yurakka malham
Husningizga ko’zim to’ymaydi.
Nega bilmam nega azizim
Sizni shunchaki sevib bo’lmaydi.
Xatiningizda dil to’la ma'no
Qalbim faqat siz-la bo’zlaydi
Hayol uzra doim o’zingiz
Sizni shunchaki sevib bo’lmaydi.
O’zgalarga bermasman sizni
Ko’ngil sira sira qo’ymaydi
Mayli mendan bo’lingiz yiroq
Sizni shunchaki sevib bo’lmaydi.
|
