 Bollivudning eng taniqli va glamur rejissyori Karan Joxarning butun dunyoda hind filmlari o'z o'rnini topishida xizmatlari katta. U antiqa mavzular tanlaydi, film byudjetidan pul ayamaydi va omma sevgan eng taniqli qiyofalarni filmiga jalb etadi. Uch yildan beri “Mening ismim Xon” kartinasi ustida ishlayotgan rejissyor “Qurbon” nomli film ssenariysini yozishga va o'z kompaniyasi leybli ostida jahon kinoekranlariga premeara qilishga ham ulgurayapti. 2010 yilning fevral oyida “Mening ismim Xon” filmi premerasi kunini aniqlagan Karan yana yangi loyiha ustida ishlashga kirishib ketdi. Rejissyorning e'tiroficha, bu film kelgusi yillarning super xitiga aylanishi mumkin. Yangi kinokartina “O'gay ona” deb nomlanib, suratga olish ishlari shu yilning noyabr oyida Avstraliyada boshlanadi. Kino olami mutaxassislarining fikricha, bu film Avstraliya va G'indiston madaniy aloqalarini mustaxkamlashga xizmat qiladi. Ayrim avstraliyalik hukumat a'zolarining quvontiradigan jihati - filmni suratga olish jarayonida ikki yuzta shu yerlik aholiga ish topilganidir! To'g'ri, film g'oyasi yangi emas. Biroq, yangilik qilinishi tabiiy. “Stepmom” («O'gay ona») filmi 1998 yilda rejissyor Kris Kolambus tomonidan suratga olingan bo'lib, bosh rollarda Juliya Roberts, Syuzan Sarandon va Ed Xarrislar ishtirok etgan. Kartina mazmuni Karan Joxarni juda qiziqtirib qo'ygani rost. Chunki uning mavzusi ko'proq “bollivudcha”. Gollivud rejissyori o'z filmida oilaviy munosabatlarni o'z xolicha ko'targan bo'lsa, Bollivud rejissyori bu filmning remeykini ko'z yoshlar va hissiyotlarga boy qilmoqchi. Ayni paytda bosh rolga ijrochilar ham tayinlandi. Kajol va Karina Kapur o'z obrazlarini qoyilmaqom yaratishiga ishonamiz. Qiziq ulardan qay biri “o'gay ona” bo'larkin?
|
