Ёз бу йил жуда ҳам иссиқ келди. Иссиқ кунларда овқатланиш учун иштаҳа ҳам йўқ. Ёғли овқатлар организмга оғир келади. Ёз кунлари қандай овқатланган маъқул?

1. Биринчи навбатда кўпроқ суюқлик ичиш тавсия этилади. Чунки, ёз ойлари иссиқдан организм кўп суюқлик йўқотади. Натижада тери ҳам "қуриб” кетмаслиги учун кўпроқ суюқлик ичган маъқул. Асосан, турли мевалар шарбатлари, тоза минерал сув, ҳамда яхна кўк чой организм учун фойдали. Жуда ҳам иссиқ бўлган кунлари одатда, ҳар 40-45 дақиқада, 100-200 мл дан суюқлик ичиб туриш тавсия этилади.

Бундан ташқари, суюқ овқатлар ҳам организм учун зарур. Муздеккина суюқ "окрошка” ёки "гўжа” ҳам тўйимли, ҳамда фойдали.

Лекин, юрак хасталиги, гипертония ва буйрак хасталикларига чалинган инсонларга кўп суюқлик ичиш тавсия этилмайди!

2. Калорияси пастроқ овқатлар истеъмол қилиш зарур. Ёғли гўшт, торт, блинчиклар, оливье салати кабилар ҳақида унутишга тўғри келади. Лекин, бу билан бу таомлардан бутунлай воз кечиш керак дегани эмас!

Диетологлар иссиқ кунларда, қуйидаги кунлик рационни тавсия этадилар:

28 % ёғ (3 дан 2 қисми ўсимлик ёғи бўлгани маъқул)

55 % оқсил

17 % углевод

3. Овқатланиш тартибини ўзгартириш

Иссиқ ҳавода иштаҳа ҳам бўғилади, овқат эса ошқозон учун, нимагадир оғирлик қилаётгандек туюлади. Бундай вақтда диетологлар овқатланиш тартибини ўзгартиришни тавсия этадилар.

Нонуштани вақтлироқ қилган маъқул, яъни: тонгги 6-7.00 ларда.

Тушлик вақтини кун исишига қолмай, 11-11.30 ларга кўчириш керак.

Кечки овқат эса: – 18.00 да.
Кечки вақт оч қоринга ухлолмайдиганлар учун соат 20-21.00 ларда енгилроқ салат, мева еб олиш ёки шарбат ичиш тавсия этилади.

Овқат калорияси эса қуйидагича бўлиши керак:

Нонушта: – 35 %

Тушлик: – 25 %

Кечки овқат: – 25 %

Уйқу олдидан тамадди қилиб олиш: 15 %

4. Қайси овқатни қай маҳалда еса, организмга оғирлик қилмайди?

Агар кун совуқ вақтларда углеводларга бой таомларни нонушта вақти ейиш керак бўлса, эндиликда кун иссиқ вақтлари бундай таомлар фақат тушликка ейилгани маъқул.

Сабзавотли, мевали салатлар, гречка ва гуручли таомлар, картошка ва шўрваларни кун ярмида истеъмол қилса, ошқозонга оғирлик тушмайди.

Гўштли таомларни эса кечки овқат ёки нонуштага истеъмол қилиш керак. (яхна ҳолда ейиш ҳам мумкин)

Уйқу олдидан эса кефир ичиш ёки шарбат ичса бўлади.

5. Асосан витаминли маҳсулотлар истеъмол қилиш тавсия этилади.
Иссиқ кунларда тер билан бирга организм С, B1, В2, B6 ва РР каби витаминларни ҳам йўқотади. Шунинг учун ҳам, инсон организми заифлашади ва чарчоқ сезилади.

Бундай ҳол рўй бермаслиги учун, кўпроқ сабзавот ва мевалар истеъмол қилиш керак. Турли мева шарбатлари (мевани ўзидан тайёрлаб), кўк чой ичиш тавсия этилади.

Бундан ташқари, ёзда микроблар туфайли касал бўлиш ҳам жуда осон. Буни олдини олиш учун, ҳамма мева ва сабзавотларни албатта истеъмолдан олдин тозалаб ювиш керак. Тез бузиладиган маҳсулотларни эса холодильникда сақлаш керак.

Бундан ташқари, кремли маҳсулотларни яхшиси сотиб олмаган маъқул.

Чунки, ёз ойлари улар тез ўз истеъмол сифатини йўқотади.