Hammamizga ma’lumki, bugungi kunda hayotimizni Xalqaro o‘rgimchak to‘ri, soddaroq qilib aytadigan bo‘lsak, Internetsiz tasavvur qilib bo‘lmaydi. Hozirda biz Internet yordamida kundalik jahonda sodir bo‘layotgan yangiliklardan xabardor bo‘lishimiz, do‘stlarimiz bilan, ular dunyoning qaysi burchida bo‘lishidan qat’i nazar, muloqot qilishimiz, video tomosha qilishimiz, musiqa tinglashimiz, ob-havo ma’lumotidan xabardor bo‘lishimiz, fond birjalarida yuz berayotgan so‘nggi trendlar haqida ma’lumotga ega bo‘lishimiz, qo‘yingki, inson onggi yetgan deyarli barcha narsani qilish mumkin.
Xo‘sh, shunday ekan, hech o‘zingizga o‘zingiz "Internet qanday ishlaydi?” degan savolni berib ko‘rganmisiz? Yo‘q? Unday bo‘lsa, biz sizga bu savolga javob berishga harakat qilamiz.
