Amerikalik bir guruh ruhshunoslar odamlardagi fikrlash sifatining pasayishi va internetda ishlash o'rtasidagi qonuniy bog'liqlikni aniqlashdi. "Saytlarni tezkor va muntazam ravishda ko'rib chiqish ko'nikmasi shunga olib keladiki, inson miyasi tizimli va chuqur fikrlash qobiliyatini yo'qota boshlaydi", - deydi tadqiqotchilar guruhining rahbari, kibernetik axborot sohasidagi yetakchi amerikalik mutaxassis Nikolas Karr.

Olib borilgan tadqiqotlar shuni ko'rsatmoqdaki, kishi internetda ishlaganda odam miyasining qisqa muddatli xotira va tezkor qarorlar qabul qilish uchun javobgar bo'lgan qismigina doimiy ravishda ishga tushar ekan. Buning natijasida, muammolarni batafsil va chuqur, shu jumladan fundamental tarzda tahlil qiluvchi zonalardan farqli o'laroq faqat shu zonalar mashq qilib, rivojlanadi. Qolganlari esa, jonlantiruvchi nerv impulslarini olmasdan, deyarli "muzlab" qoladi va inson chuqur fikrlash qobiliyatini yo'qota boshlaydi. Muammolar va voqealarni chuqur tahlil qilishning imkoni bo'lmay qoladi, shu bois ko'p vaqtini internet-sahiflarni "varaqlash" bilan o'tkazuvchi kishilarning xatti-harakatlari ham impulsiv bo'ladi.

Internetda ishlashning ushbu xususiyati hozir dunyodagi ko'pgina yirik texnologik kompaniyalarga ham ma'lum. Shuning uchun bunday kompaniyalarda faoliyat ko'rsatuvchi mutaxassislar internetdan axborot olish va oflaynda ilmiy hamda texnikaviy adabiyotlarni o'qish orasidagi muvozanatga amal qilish majburiyatini olishadi.

Qizig'i shundaki, tadqiqotchilar guruhining rahbari Nikolas Karrning o'zi internet ishqibozi emas. Xususan, u 2005 yilda "Jonsiz Veb 2.0" maqolasini, ikki yil oldin esa, «Google bizni axmoqroq qiladimi?» maqolasini chop etgan.

Intellektual faoliyatdagi o'zgarishlardan tashqari, Internet foydalanuvchilar uchun boshqa xavf-xatarlarga ham to'la.