 "Men Jannatga borishni xohlayman"- mana shu narsa bizning hayotimiz maqsadi bo'lishi lozim. Bu narsa qalin harflar bilan bizning peshonamizga eslatma uchun yozib qo'yilishga arziydi. Muhammad sallallahu alayhi va sallam bizlarga Jannatga kichik bir kalitni tashlab ketdilar va ko'pchilik musulmonlar bu kalitga e'tiborsizlik qilishmoqda. Sayyora yoki uy eshiklarini ochish uchun kalit kerakligi kabi siz uchun Jannatni ochish uchun kalit zarurdir. Mana shu kalit nima?
Muhammad sallallahu alayhi va sallam aytdilarki, "Kimki ILM izlash yo'lida bo'lsa Alloh u uchun Jannatga yo'lni oson qiladi" (Sahih Muslim. 3-jild, 99-hadis).
Ilm izlash degani bu haqiqatan ilm berilayotgan konferenciyalarga, masjidlarga, ma'ruzalarga borish, ahlus sunnah ulamolaridan ilm olaman deb uzoq masofada bo'lsada borishlik va h.klar tushuniladi. Ilm izlashga yana Qur'onni va sahih hadislarni o'rganish va yodlash ham kiradi.
Ey Birodarlar , ILMni sevuvchilardan bo'ling, va ilm izlovchilardan bo'ling. "Ha, mening Qur'onim qani?, mening Sahih Buxoriyim qani?" Har kuni ertalab: "Men bugun Jannatni ilm izlash bilan izlayman!" degan maqsad bilan turing. Ilm Allohga eng qisqa yo'ldir. Kimki ilm izlash yo'lida bo'lsa Allohga yaqinlashadi. Bu degani jannatga ham yaqinlashadi, chunki Allohga yaqinlashmasdan turib Jannatga yaqinlashib bo'lmaydi. Bundan tashqari, Ilm insonni qorong'u'likdan, johillikdan va shubhalardan forig' qiladi.
Ilm bu Jannatga yo'ldir, va Islom shu Jannatga olib boruvchi vositadir. Siz, masalan, mashinaga o'tirdingiz, hamda bir joydan boshqa joyga bormoqchisiz, ammo qanday qilib borasiz? Siz o'sha boradigan manzilingizga olib boradigan yo'llarni qidirasiz va eng qisqa yo'lni tanlaysiz. Buni xaritadan ko'ra olasiz, yoki boshqa biror kishidan so'rab bilasiz. Xuddi shu kabi, Qur'on va sahih hadis bizning xaritalarimiz, va bizning ulamolarimiz esa mana shu xaritadan odamlarga oxirgi manzillariga yetaklovchi yo'lni kor'satuvchilardir. Oxirgi manzillaridan murod bu Jannat.
O'zingizdan so'rang "Jannatga borish osonmi?" Siz atrofingizda ko'rgansizmi, ba'zi musulmonlar, masalan, mashaAllah, Qur'on va hadisni juda tez yodlashadi, Islomga osongina amal qilishadi. Ba'zilar esa ularning teskarisi, yoki ulardan kuchsizroq. Ba'zilar uchun Qur'on va hadisni yodlash juda oson, ba'zilar esa oylab, yillab vaqt o'tsahamki Qur'on yoki hadisni xattoki ochib qarashligi juda qiyin.
Alloh taolo aytadiki:
"Bas, kimki (zakot va sadaqotlarni) bersa va (Allohdan) qo'rqsa, hamda go'zal (narsa)ni tasdiq etsa, bas, unga oson (yo'l)ni muyassar qilurmiz. Ammo, kimki baxillik qilsa va (o'zini) behojat (boy) sanasa, hamda go'zal (narsa)ni yolg'onga chiqarsa, bas, unga og'ir (yo'l)ni "muyassar" qilurmiz." (Al-Layl: 5-10)
Yana misol shuki, ba'zilar uchun xuddi Dovud alayhis salomdek ro'za tutish juda oson (ya'ni har 2 kunda roza tutish) yoki boshqa nafl rozalarini tutish juda ham oson, ammo ba'zilar uchun esa ramazon ro'zasini tutishgina juda og'irlik qiladi. Nima uchun? Nima uchun ba'zilar kechasi tahajjud namoziga turishi oson, ammo ba'zilar xattoki farz namozlarini o'qishga qiynalishadi, nima uchun? Ba'zilar xattoki uylanmagan bo'lsada yomon narsalardan o'zini Allohdan qo'rqib saqlab yuradi, ammo ba'zilar uylangan bo'lsada zinokorlikka berilib ketadi, nima uchun? Nima uchun ba'zilar osongina Qur'on oyatlarini, hadislarni yodlab olishadi, ammo bazilar esa bozorlarda sotilayotgan eng oxirgi yangi qo’shiqlarni yoki ko'chada ishlatiladigan yomon so'zlarni yodlash bilan ovora...?
Birodarlar, Alloh barchamizni qalbimizni O'z dinida sobitqadam qilsin! Ko'ryapsizmi, ba'zilar uchun Islomga amal qilishlik juda oson (yo'llarida qancha sinovlar bo'lmasin), ba'zilar uchun esa Islomga amal qilishlik juda ham qiyin. Buni javobi va yechini yuqoridagi Al-Layl surasida keltirilgan oyatlardir. Kimki Allohning yo'lida sobitqadam bo'lsa, sidqidilan yaxshilikni istasa, ilm izlasa Alloh u uchun Jannatga yo'lni oson qiladi. Jannatga yo'lni oson qilishlik nima degani bu Islomga amal qilishi oson bo'ladi! Agar banda Ilmni sevsa va Ilm izlashni sevsa hamda amal qilsa, shubha yo'qki Alloh u banda uchun Jannatga yo'lni oson qiladi. Mana shu Ilm o'sha aytilgan kalitdir va Muhammad sallallahu alayhi va sallam "Allahumma inni azububikaa min Illmin La yanf'aau" ("EY Alloh, Meni foyda bermaydigan ilmdan saqlagin"), deb duo qilar edilar.
Haqiqatan birodarlar, tafakkur qilaylik, agar inson soatlab televizor oldida o'tirsa u narsa uni Jannatga yetaklaydimi? Soatlab qaysidir romanlarni o'qishlik, yoki keraksiz jurnal, gazetalarni o'qishlik insonni Jannatga yetaklaydimi? Mana shularni o'rniga Qur'on va sunnatni o'rgansak, Islomiy kitoblardan foydalansak o'zimiz uchun jannatga yo'lni oson qilmagan bo'larmidik? Soatlab-soatlab televizor oldida o'tirishlik (ayniqsa ba'zi kofir mamlakatlarida yoki boshqa yurtlarda ham) insonga Qur'on va Sunnatni o’rgatadimi? Yoki Qanday qilib nomahram bilan gaplashishlik, aralashishlik, yarim yalang'och insonlarga qarashlik, buzgunchilik, va yomon gaplarni o'rgatadimi?
Qaysi yo'l o'zimiz, oxiratimiz uchun foydaliroq? Qaysi yo'l bizni Jannatga yetaklaydi? Xulosa shuki, Ey Birodarlar, barakaAllaahu feekum, biz o'zimizning "sayyoramiz (Islom)"ni tuzatshimiz kerak, va Jannatga olib boradigan yo'lga qarab haydashimiz kerak. Biz "xaritamiz (Quron va sahih hadislar)"ni olib, ahlus sunnah ulamolaridan o'sha xaritani bizga tushuntirib oxirgi manzil (Jannat)ga yetaklaydigan yo'lni ko'rsatib berishlarini so'rashligimiz kerak va yana Alloh yaxshiroq biladi.
|
