Telefonda turli o'yinlarni o'ynashni yoqtiradiganlar uchun Lenovo kompaniyasi Lenovo i909 deb atalgan ajoyib mobil telefonini ishlab chiqardi. Yangilik birinchi galda shunisi bilan qiziqarliki, u NES emulyatorlari bilan jihozlangan. Bu esa geymerlarning telefon o'yinlarini ko'plab tanlash imkoniyatini yaratadi. Qo'shimcha ravishda telefonga maxsus geympad ham qo'shsa bo'ladi va bu o'yin sifatini oshirishi shubhasiz.

Boshqa jihatdan Lenovo i909 o'rta klassdagi mobil telefonlaridan farq qilmaydi, ushbu telefonda ham 320x240 pikselli 2.4 dyumli ekran, 2 megapikselli kamera, MicroSD formatidagi xotira kartasi, musiqa va video pleerlari mavjud. O'lchamlari - 111.4 x 50.2 x 15.5 mm, geympadning og'irligi - 112,8 grammni tashkil etadi.