| Статистика |
XOZIR SAYTDA 1 MEXMON 1 FOYDALANUVCHI 0 |
|
 | |  |
| Главная » 2010 » Апрель » 9 » Гўзаллик ҳадя этувчи неъматлар
16:07 Гўзаллик ҳадя этувчи неъматлар |
Помидор
Помидор юз терисини тозалашда ёрдам беради, уни юмшатиб, майинлаштиради.
Помидорли ниқоблар
1. Бир дона катта помидор майда тўғралгач, 1 чой қошиқ зайтун мойи билан аралаштирилади. Юзга суртилгандан 15-20 дақиқа ўтгач, илиқ сув ёрдамида ювиб олинади.
2. Помидор эзилиб, бўтқа ҳолига келтирилади ва юзга суртилади. 15 дақиқа тургандан сўнг қайнатилган совуқ сув ёрдамида ювилади. Сўнг сут ва сув аралашмасига ботирилган салфетка билан юз териси артилади.
Бодринг
Барчага таниш бодринг косметика соҳасида қўлланиладиган энг машҳур табиат неъматидир. Қадимдан бодрингдан ажраладиган шарбат сепкилларни ва ҳаво ўзгариши билан (масалан ёзда) терида пайдо бўлувчи турли хил тошмалар, доғларни йўқотишда, юз терисини оқартиришда кенг қўлланиб келмоқда. Марҳамат , юз терисини парваришлаш борасида қўлланиладиган бир неча бодрингли воситалар билан танишинг:
Бодрингли лосьон
25 гр. қирғичдан ўтказилган бодринг ва 100 мл. спирт ва сувнинг аралашмаси бир неча кун давомида қопқоқли идишда, қоронғи ҳамда салқин хонада сақланади. Қўллашдан аввал 1:1 нисбатда қайнаб чиққан совуқ сув қўшилади.
Бодрингли сут
Пўстлоғидан ажратилган бодринг майда тўғралиб, устидан қайноқ сут (1:10 нисбатда) қуйилади. Қўллашдан аввал сув қўшилади. Бодрингли сут билан юз терингизни эрталаб ва кечқурун артиб олишингиз тавсия этилади.
Бодрингли ниқоб
Қирғичнинг майда тишларидан ўтказилган бодринг, тухум оқи ва бир неча томчи лимон шарбати аралашмасидан тайёрланадиган ушбу ниқоб асталик билан юзга суртилади, қуригандан кейин салфетка ёрдамида эҳтиёткорлик билан артиб олинади.
Бодрингли крем
3 дона бодринг ва 1 дона лимон гўшт қиймалагичдан ўтказилгач, 1 стакан спирт ва сувнинг бирикмасига қўшилиб, 1 кун давомида совуқ ва қоронғи хонада турганидан кейин ярим стакан камфор спирти қўшилади. Сўнг обдон аралашган суюқликка 3 дона тухум сариғи ҳамда 20 гр. асал қўшилади. Бундай крем ёғли ва нормал юз терисига эга аёлларга тавсия этилади.
Сабзи
1. Бир чой қошиқ қирғичдан ўтказилган сабзи, майда тўғралган селдр барглари ҳамда кашнич, бир ош қошиқ қатиқ обдон аралаштирилиб, ҳосил бўлган ниқоб юзга суртилади ва 15-20 дақиқадан кейин илиқ сув ёрдамида чайилади. Ушбу ниқоб юз терисини керакли витаминлар билан тўйинтириб, юз терисини парваришлайди.
2. Ёғли юз терисига эга бўлган аёлларга эса сабзидан тайёрланадиган қуйидаги ниқобни тавсия этамиз. Қирғичдан ўтказилган сабзи, тухум сариғи ҳамда 2 чой қошиқ сметана аралашмасидан тайёрланган ниқоб юз ва бўйинга суртилгач, 20 дақиқадан сўнг аввал илиқ, кейин совуқ сув ёрдамида ювилади.
Картошка
Аёл ёшини фош этувчи «сотқин» бўйин яна олдинги ёш ҳолига қайтишини истасангиз, картошкадан фойдаланинг. Картошка бўйин терисини нафақат парваришлайди, балки ажинларни йўқотиб, терини таранглаштиради.
Картошкали ниқоб
Икки дона картошка тозаланмаган (арчилмаган) ҳолда сувда пиширилгандан сўнг пўстлоғидан ажратилиб, эзилади. Қайноқ картошка бўтқасига бир чой қошиқдан глицерин ва зайтун мойи (ёки ўсимлик мойи) билан аралаштирилади. Тайёр бўтқа докага сурилади ва бўйин шу дока билан ўралади. Тушиб кетмаслиги учун иккинчи дока рўмол билан жипс боғланади. 15-20 дақиқадан кейин дока олиб ташланиб, бўйин илиқ сув билан ювилади. Ушбу ниқобдан сўнг оддий тўйинтирувчи крем суртиб олсангиз, кўзлаган мақсадингизга янада қисқа муддатда эришишга муяссар бўласиз.
|
|
Категория: FOYDALI MASLAHATLAR |
Просмотров: 1700 |
Добавил: Billura
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
