|
Терма жамоамизнинг нархини биласизми Германияда фаолият юритувчи transfermarket.de сайти қизиқ-қизиқ маълумотлари билан донг таратган. Айниқса, ушбу веб-саҳифа ижодкорлари бутун жаҳон футболчиларининг халқаро майдондаги иштирокига қараб, уларга нарх белгилаб келиши кўпчиликнинг эътиборини тортади. Ушбу сайт талқинига кўра, ҳозирги кунда жаҳоннинг энг қиммат футболчиси сифатида Каталониянинг "Барселона” клуби ҳужумчиси Лионель Месси кўрсатилган. Аргентиналик ҳужумчи нақд юз миллион еврога баҳоланган. Мадриднинг "Реал” клуби ярим ҳимоячиси Криштиану Роналду бу борада иккинчи поғонани банд этиб турибди. Португалиялик машҳур юлдузнинг трансфер нархи тўқсон миллион евро деб қайд этилган. Энг қиммат футболчилардан ташкил топган клублар ҳам Испания премьероси аъзоларидир. "Барселона” ва "Реал” клубларининг умумий нархи миллиард евродан ошади. Каталонияликлар 554.100.000 еврога баҳоланган бўлсалар, Қироллик клуби футболчиларининг умумий нархи 515.000.00 еврога тенг. Сизу бизни асосан ўзбекистонлик футболчиларнинг нархлари қизиқтириши табиий. Сайт ходимлари январ ойида Қатарда ўтган Осиё чемпионатида иштирок этган термамиз футболчиларининг қийматларини тақдим этишган. Унга кўра, терма жамоамиз сардори Сервер Жепаров рўйхатни бошқариб турибди. Ўз фаолиятини Жанубий Кореянинг "Сеул” клубида давом эттираётган футболчи 2,5 млн. еврога баҳоланган. Яқиндагина Тошкентнинг "Пахтакор” клубидан Россиянинг "Анжи” жамоасига трансфер қилинган Одил Аҳмедов 1,5 млн. еврога тенг бўлиб турибди. Терма жамоамизнинг умумий нархи 12,6 млн. еврони ташкил этади. №ФутболчиЖамоаси Трансфер нархи
1Сервер Жепаров"Сеул”, Жанубий Корея2.500.000 €
2Одил Аҳмедов"Анжи”, Россия1.500.000 €
3Александр Гейнрих"Сувон Самсунг”, Жанубий Корея1.400.000 €
4Максим Шацких"Арсенал”, Украина1.100.000 €
5Игнатий Нестеров"Бунёдкор”, Ўзбекистон1.000.000 €
6Тимур Кападзе"Инчхон Юнайтед”, Ж. Корея800.000 €
7Вагиз Галиулин"Сибирь”, Россия750.000 €
8Санжар Турсунов"Волга”, Россия700.000 €
9Виктор Карпенко"Бунёдкор”, Ўзбекистон500.000 €
10Азизбек Ҳайдаров"Бунёдкор”, Ўзбекистон400.000 €
11Улуғбек Бақоев"Жетису”, Қозоғистон300.000 €
12Азиз Ибрагимов"Богемианс 95”, Чехия300.000 €
13Марат Бикмаев"Алания”, Россия300.000 €
14Темур Жўраев"Пахтакор”, Ўзбекистон250.000 €
15Саҳоб Жўраев"Бунёдкор”, Ўзбекистон200.000 €
16Анзур Исмоилов"Чаньчунь Ятай”, Хитой150.000 €
17Шавкат Саломов"Бунёдкор”, Ўзбекистон100.000 €
18Олим Новкаров"Андижон”, Ўзбекистон100.000 €
19Ш. Муллажонов"Ал-Аҳли”, Қатар100.000 €
20Фарруҳ Нурлибоев"Олмалиқ”, Ўзбекистон50.000 €
21Станислав Андреев"Пахтакор”, Ўзбекистон75.000 €
22Мурод Зуҳуров"Насаф”, Ўзбекистон25.000 €
Жами:12.600.000 €
|
