Марокашнинг Дорулбайзо шаҳридаги Уқба ибн Нофеъ масжидида, имом, шайх Иззиддин Тавфиқ ортларида туриб, қадр кечаси, таровеҳ намози олдидан Сабрина Исломга кирганини эълон қилди. Марокашда лайлатул қадр 2009-9-17 кунига тўғри келди.

Шайх Иззиддин Тавфиқ намозхонларга қарата: “Бу муборак кечада Франсадан бир синглимиз келибдилар. Насибаларини қарангки, шунча оломон мусулмонни ичида Исломга кирганларини эълон қилмоқчилар”, деб айтдилар.

Иймоний туйғулари жунбушга келган Сабрина турмуш ўртоғи Ирос Ҳафиз ҳамроҳлигида www.islomonline сайтига интервю бериб: “Мен бу лаҳзада ўзимни жуда ҳам бахтли ҳис этмоқдаман, чунки мен Ислом динини қабул қилдим. Ҳар томондан мени қувонч ўраб олмоқда. Бу ҳис-туйғуим ва хурсандлигимни изҳор қилиш учун сўз топа олмаяпман”, деди.

Сабрина ҳозирда турмуш ўртоғи билан Франсанинг Лома шаҳрида истиқомат қилади. У бир ширкатда ишчи бўлиб ишлайди. Эрининг унга нисбатан чиройли муомаласи Сабринани Исломга киришига сабаб бўлган. Ундан олдин Сабрина Христианлик динининг Католик мазҳабида бўлган.

Ҳалиўттизга кириб улгурмаган Франсалик аёл қадр кечасида, масжидда туриб: “Ушбу кечада нозил бўлган Қуръон даъвати албатта чиройли муомала орқали амалга оширилган. Мен Ислом билан мана шу эримга тўрт йил олдин турмушга чиққанимдан кейин таниша бошладим. Эримни менга нисбатан чиройли муомаласи ва уни ибодат русумларига қаттиқ қизиқиши ҳамда оиласини менга нисбатан яхши муомаласи Исломни танлашимга туртки бўлди”, деди.

Сабринанинг турмуш ўртоғи ҳам хотинини Исломга кирганидан беҳад хурсанд бўлиб, ҳиссиётларини яшира олмасдан: “Хотинимни Исломга киришига сабаб бўлган муомаламни сақлаб қолишга ҳаракат қиламан”, деди.

Сабрина ўзи учун янги исм яъни, Набий (с.а.в.)нинг оналарини исми Оминани танлади. У тинчлик ва омонлик маъноларини англатишини масжид имоми ҳаммага тушинтирди.