Вьетнамнинг Биенхоа шаҳридаги «Vinacafe»
қаҳва компанияси 3,5 тонна ичимлик жо бўладиган улкан чашка ясаб, жаҳон
рекордини ўрнатган. Мазкур кофе чашкасини тайёрлашда 160 киши иштирок
этган.
«Vinacafe» ходимлари тайёрлаган
мазкур чашкага 3 минг 613 литр қаҳва кетади ва уни бир пайтнинг ўзида
30 минг одам ичиб тугатиши мумкин. Улкан чашканинг баландлиги 1,53
метр, диаметри эса 2,34 метрни ташкил этади. Чашканинг тагига қўйилган
пойдевор 6 тонна юкни кўтариши мумкин. Кафе чашкасини тайёрлашда 4 минг
литр ичимлик суви ва 818 килограмм юқори сифатли қаҳва ўсимлигидан
фойдаланилган. Қаҳвани қўзғайдиган «қошиқча»нинг узунлиги 3 метр!
