|
Хар бир мусулмон шахс, хусусан ота-оналар билиши ва амал килиши лозим бўлган ишлардан бири эмикдошлик масаласидир. Бу масала арабчада «разоъ», деб номланади. Яъни, бола онасидан ўзга аёлни эмиши билан собит бўладиган шаръий хукмлар масаласидир. Ислом шариати бўйича, икки ёшга тўлмаган ёш гўдак бир аёлни сутидан эмса, ўша аёлга эмизикли бола бўлади. Аёл эса унга эмизиш оркали она, эри ота, болалари ака-ука, опа-сингилга айланадилар. Шунинг учун бир аёлни эмган бошка-бошка аёллардан тугилган болалар орасида хам эмиш оркали кардошлик пайдо бўлади. Чунки, икки ёшдан кичик боланинг озукаси сут бўлади, у эмган сут суягига ўтиб вужудини шаклланишига ва бошка ўсиш жараёнларига омил бўлади. Бир хил сутдан эмган болаларнинг шаклланиш масдарлари бир бўлгани учун улар шаръий хукм бўйича эмикдош ака-ука, опа-сингил, ота-бола, она-киз бўладилар. Пайгамбаримиз саллоллоху алайхи васаллам бундай эмикдошлар орасидаги никох масаласини баён килган хадисларида: «Насаб бўйича харом бўлган нарса, разоъ-эмиш бўйича хам харом бўлади», деганлар.
Шу хадиси шарифга биноан насаб бўйича бир-бирига никохи харом бўлган хар-бир жуфт орасидаги никох эмикдошлик оркали хам харом бўлади. Бир аёлни сутини эмган йигит билан киз у йлансалар ака-сингил эру хотин бўлган бўлади. Бошкаларини хам шунга киёс килавериш мумкин.
Исломий таълимотлардан узоклашган минтакамиз ахолиси орасида ушбу мухим масала хам катта муоммога айланган. Баъзи бирлар умуман ишлари йўк. халолми, харомми, гунохми, савобми улар учун барибир. Эмикдош ака сингил эру хотин бўлиб колиши уларга бурунларига кўнган пашшачилик хам таъсир килмайди. Коммунистча тугуруххоналар эса дард устига чипокн бўлган. У ерда ким, нима, халолми харомми деган гап йўк. Янги тугилган бувакларни оналаридан тортиб олиб кўйилиб согилган сутларни аралаш-куралаш кимга тўгри келса шишадан эмизилаверади.
|
