|
AQLLI EGIZAKLAR
Umumiy ta’rif (21.05-21.06) Egizaklarning fe’lida qarama –qarshilik mavjud. Egizaklar aqlli, ular hamma narsaga qiziqishadi, turli sharoitga osongina moslashib ketishadi. Jaxli burunlarining ustida turadi. Ular ko’p gapirishadi, lekin boshqalarni tinglay olishmaydi . Egizaklar chaqqon bo’lishadi, ular har qanday vaziyatdan tez chiqib keta olishadi. Ular bilan faqatgina Qovg’alar raqobatlasha oladilar.
Siz va U
Erkak – Egizaklar Agar Egizak burjidagi insonni sevib qolgan bo’lsangiz, unda siz yolg’izlik azobi va zerikishdan qutuldim, deb o’ylayvering. Siz bilan har doim, hamma vaqt ikkita odam yonma-yon bo’ladi: ikkalasi ham siz tanlagan kishi.
Erkak –Egizaklar eski o’rtoqlarini yangilarini topgani uchun o’ylab ham o’tirmasdan tashlab ketishi mumkin. Bu hol uning diydasi qattiqligidan kelib chiqmaydi, shunchaki u hamma joyda o’zini o’z uyidagidek, juda erkin his qiladi va kamdan –kam hollardagina eski do’stlarga, narsalarga bog’lanib qoladi. U sizga sodiq qoladimi? Ha. Biroq u odamlar orasida o’zini ko’z-ko’z qilishni, ayollarning yoqimtoyi bo’lishni yaxshi ko’radi. U sizning har qanday yashirin iztirobingizni yuzingizdan bilib oladi. Erkak-Egizak bilan oila qurishga qaror qilgan bo’lsangiz, "agar” so’ziga ko’nikishingiz lozim (agar men sevganimda, agar istaganimda...). Bu so’zlarga e’tibor bermang, yoringiz ularni ehtiyotkorlik yuzasidan aytadi, xolos.
Ayol- Egizaklar Agar siz hayotingiz qiziqarli bo’lishini istasangiz, Ayol-Egizakka uylaning. U ajoyib o’rtoq, har tomonlama yetuk, aqlli, harakatchan va orzumand, oqko’ngil va talabchan, itoatkor va shu bilan birga qaysar ayol. Uning yuragiga chuqurroq kirib borsangiz , ehtirosga to’lib toshgan ayolni ko’rasiz. Bir vaqtning o’zida sizdan ham Hayratlanishi, ham sizni tanqid qilib, achchiq tanbeh berishi mumkin. Lekin bu holat sizni undan uzoqlashtirmasin, siz tanlagan ayol ba’zida ko’ringani kabi bag’ritosh emas.
Ayol – Egizaklar bilan maroqli suhbat qurish mumkin. Agar unga uylansangiz, zerikish tuyg’usi sizga begona bo’ladi. Xotiningiz orzulari va intilishlari bir joyda muqim o’tirib qolishingizga yo’l qo’ymaydi . Undan ortiq qolmaslikka va o’ziga bildirmasdan uning "yugurishi”ni sekinlashtirishga harakat qiling.Buni ich ichidan uni o’zi ham istaydi, lekin bildirmaydi. Unga yordam berishga harakat qiling, Siz unga hamisha keraksiz
|
