Isroilning CompuLab kompaniyasi "dunyodagi eng kichik kompyuter”ning uchinchi modeli – fit-PC3 ni ishlab chiqdi. Ushbu kompyuter o‘zining sodda gabaritlariga (qalinligi – 2,5 sm; uzunligi va eni – 16 sm) qaramasdan ikki yadroli baquvvat protsessorga ega va uning quvvati ba’zi netbuklarni ham ortda qoldiradi. Mini-kompyuter 4Gb DDR3 operativ xotira va 250 Gb SATA 3 ichki sig‘imga ega. Bundan tashqari unga Wi-Fi simsiz aloqa moduli, DisplayPort chiqish teshigi, ikkita HDMI 1.3a interfeysi hamda oltita USB 2.0 porti o‘rnatilgan. Mazkur mini-kompyuterning savdoga chiqarilishi joriy yilning may-iyun oylariga mo‘ljallanmoqda. Hozircha uning narxi borasida hech qanday ma’lumot yo‘q. Engadget texnoblogining ta’kidlashicha, uning bahosi oldingi fit-PC2 modeli narxidan (konfiguratsiyasiga qarab 300-700 $ atrofida) kamroq bo‘lishi turgan gap. CompuLab fit-PC3 (chapda) и Apple Mac mini (o‘ngda). Fото: The Gadget Spot
