Yangi kupyura modellarining o'ziga xos tomoni shundaki, ular gorizontal emas, vertikal ko'rinishdadir. Buning sababini muallif Dowling Duncan quyidagicha ta'riflaydi:

- Kishilar pulni sanaganda kupyuralarni aynan shu holatda, ya'ni vertikal holtda ushlaydilar;

- Xarid uchun sotuvchiga uzatganda ham xuddi shunday;

- Hamyonda ham odatda shu holat saqlanadi va turli qiymatdagilarini bir-biridan ajratish oson bo'ladi; shunday ekan, bir qarashda g'ayrioddiy ko'rinadigan bu shaklning tanlanishiga asos bor ekan.

Kupyuralarning ranglari, ko'rib turganingizdek, bir-biridan keskin farq qiladi va bundan maqsad ularni ajratishda osonlik tug'dirish, deydi dizaynerlar.

Konkurs shartlaridan biri - banknot mavzuining nominal raqamiga aloqador bo'lishidir. Masalan, 1 dollarlik kupyurada AQShning birinchi qora tanli prezidenti Barak Obamaning surati joylashtirilgan.

5 - Shimoliy Amerikaning eng yirik hindu qabilalari soni (yuqoridagi chap burchakda nomlari keltirilgan).

Quyidagi banknotda esa AQSh Konstitutsiyasidagi dastlabki 10 ta punkt keltirilgan.

20 dollar - mamlakatning 20 asrdagi ilm-fan sohasida erishgan yutuqlarini aks ettiradi.

AQShdagi 50 ta shtat:

Franklin Ruzvelt prezidentligining dastlabki 100 kunidagi muhim o'zgarishlar:

Ma'lumki, bu davr mobaynida Ruzvelt o'zidan oldingi hamkasblari erisha olmagan vazifalarning uddasidan chiqqan va mamlakatni Buyuk Inqirozdan olib chiqqan. O'shandan boshlab Amerika prezidentlarining keyingi faoliyatlarini dastlabki 100 kunda qilgan ishlariga qarab baholash rasm bo'lib kelmoqda.

Eslatib o'tish joizki, bu konkurs hukumat tomonidan e'lon qilinmagan.