 Bir necha kun avval biz Dineyraga ijodidagi yangiliklar bo'yicha murojaat qilganimizda, yangi duet qo'shiq yozayotganini ammo, duetdosh kimligini sir tutgan edi. Buni qarangki, bugun shaxsan Dineyraning o'zlari bizga duetdosh kimligini aytib, yangi qo'shiq tayyorligi haqida ma'lumot berdilar. Demak musiqa muallifi va aranjirovchik Jasur Abduraxmanov, qo'shiq matni esa Bobur Umarov tomonidan yozilgan ushbu qo'shiqda, Dineyra va o'zbek shou biznesining yorqin yulduzi Shohruhxon, birgalikda ijod qilishdi.
"Qo'shiqni demo versiyasini eshitganimdan so'ng, qo'shiq muhlislarga yoqishini va hit darajaga yetishiga ishondim. Shohruhxonning ijodini anchadan beri kuzatib kelaman. Menga uning ijodi va ovozi yoqadi. Shu sababli biz adashmadik. Ovoz yozish paytida, u haqiqiy ijodkor ekanligini ko'rsatdi va qo'shiq a'lo darajada yozib tugallandi." deydi Dineyra biz bilan bo'lgan suhbatida. Suhbatimiz so'ngida biz qo'shiq qachon muhlislarga taqdim qilinadi deb savol berganimizda: Tez kunlar ichida "Manzillar" nomli qo'shiq, "O'zbegim Taronasi" radiosida premyera loyihasida muhlislarga taqdim etilishini ta'kidladilar. Demak radioda premyera bo'lgan kun, bizning saytimizda ham shu qo'shiqning premyerasi bo'lib o'tadi. Ortda qolmang va siz birinchisiz!
|
