Diana Yagafarova: O`zbek yigitiga turmushga chiqmoqchiman

Bu Diana Yagafarovaning Toshkentda bergan oxirgi intervyularidan birii, ushbu intervyu “mashhur” voqeadan bir-ikki hafta oldin olingandi, bir taniqli gazetada ham ushbu intervyuni qisqaroq versiyasi ko`ringandi.

Ushbu intervyuda videorolikga dahldor hech qanday fakt yo`q! Ushbu intervyuni o`qiyotganlarga har bir savol va har bir javob kulguli [istehzoli] ko`rinishi mumkin…

Qahramonimizni tahririyatga chaqirganimizda juda ham zamonaviy, Yevropa usulidagi kiyimda kirib keldi. Yuzidagi tabiylik ko`zlaridagi beg`uborlik yosh Dianani tark etmagan. Balki shuning uchun ham u ijro etgan filmlar omad sari yuz tutayotgandir. Asli millati o`zbek bo`lmasada kelajakda o`zbek yigitiga turmushga chiqish niyati borligini suhbat davomida oshkor etdi. Yaqinda Samandar Hamroqulov bilan yangi “Zirapcha” deb nomlangan filmda suratga tushdi. Yana bir qator takliflarni qabul qilgan Diana bugun Yuld.uzning mehmoni.

— Diana o`zbek kinosidagi yosh aktrisasiz. Bolaligingiz haqida gapirsangiz Keling yosh qizcha bo`lganingiz to`g`risida gaplashamiz. Kichkinaligingizda sizni qanday chaqirishardi?

Bolaligimdagi laqabim menga hech qachon yoqmagan. Juda ozg`in bo`lganman, shuning uchun ular “Prishepka”yani “qistirgich”deb chaqirishardi.

— Bu “ismingiz” hozirgacha saqlanganmi?

Yo`q hozir hech kim bu nom bilan chaqirmaydi.Ancha paytdan buyon eshitmadim. Hozir siz aytganingizdan so`ng esimga tushdi.

— Kliplarda suratga tushmay qo`ydingiz. Chaqirishmayaptimi?

Takliflar ko`p. Kliplar qisqa syujetli bo`lgani uchun ham ularda men o`zimni ko`rmayapman. Qolaversa hozir filmlar syomkasidan bo`shaganim yo`q.

— Sizni ko`cha-kuyda “super kelinchak”deb chaqirishadi. Bu nom o`zingizga yoqadimi?

Juda ham yoqadi. Bu nomdan bir umr minnatdorman.
 

—Shu filmdagi Saida Rametovadek qaynonaga kelin bo`lib qolisangi…?

Undan ham yomon qaynonaga duch kelishim mumkin. Bu taqdir. Oila shunisi bilan qiziq. Hayot faqat xursandchilikdan iborat emas. Yosh bo`lsamda buni tushunib yetganman.

— O`zbekona taomlardan qaysi ovqatni yaxshi ko`rasiz, o`zi ovqat pishirishni bilasizmi?

Menga xamirli ovqatlar juda yoqadi. Mantini o`zim tayyorlay olaman. Lekin menga eng yoqqani xonim. Afsuski uni tayyorlay olmayman.Shuning uchun doimo ko`chada tayyorlanadigan xonimlarni sotib olaman. Vaqtim bo`lishi bilan, erinmasdan Ko`kcha, Chorsuga borib, xonim olaman.

— Uy yumushlarinichi? Oyna artish, idish tovoq, tugma qadash deganlaridek…

Idish tovoq yuvishni yaxshi ko`raman, yuvsam asablarim tinchlanadi. Lekin ko`ylakka tugma qadash, kiyim dazmol qilishni umuman yoqtirmayman.

— Lekin hayotda ham super kelin bo`lmoqchisiz. Bu vazifalarni deyarli barcha o`zbek honadonlarida bajarishga to`g`ri keladi.

Albatta buni bilaman, undan tashqari tort, blinchik, salatlarni tayyorlashni o`rganayapman. Yana bir narsani aytish esimdan chiqibdi karam sho`rva [bo`rsh] mening jonu-dilim.

— Bahrom Yoqubovning “Zirapcha” filmida Samandar bilan suratga tushdingiz. Samandar qanday ekan?

Juda ham yaxshi. Samandar yaxshi aktyor, yumorga boy. Filmda men kambag`al oilaning qizi rolini, Samandar bo`lsa boy oilaning farzandi obrazini yaratdi.Qahramonim-Saida ismli shaddod qiz, Samandar bo`lsa Ravshan degan bolani obrazini filmda ochib berdi. Film juda ham jiddiy kartina. Tomoshabinlarning barchasi zaldan yig`lab chiqishadi. Buni premyeraga borganangizda ko`rasiz.

— Jiddiy filmda o`ynadingiz, chamasi qiynaldingiz?

Albatta o`ziga yarasha qiyinchiliklari bo`ldi. Syomkadan oldin Bahrom aka menga ozishing kerak dedilar. Shuning uchun qattiq parhez [diyeta] qildim.

— Qanday parhez?

-Ikki hafta mobaynida umuman yog`li ovqat, shirinliklar yemadim. Faqatgina qaynatilgan tuzsiz grechkani tanovvul qildim.

— Natija?

Natijada ikki hafta ichida to`rt kiloga ozdim.

— Gulchehra Eshonqulova, Dilnoza Kubayeva, Jamila G`ofurova qaysi biri bilan munosabatingiz yaxshi?

Hech qaysisi bilan.Chunki ular bilan umuman munosabatda bo`lmaganman. Faqatgina Ra’no Shodiyeva bilan yaqin munosabatdaman.

— Ulug`bek Qodirov, Farrux Soipov bu aktyorlar bilan hamkor partnyor bo`lgingiz keladimi?

Qachondir kinoda partnyor bo`lib qolishim mumkin. Lekin orzu qilmaganman.

— Kinodan tashqari nima qilasiz?

Doimo vaqt topdim deguncha buvimlarni ko`rishga boraman. U kishi bilan ko`p suhbatlashaman. Barcha qarindosh yaqinlarimning oldiga boraman. Velosiped haydashga ham qiziqaman. Ko`p hollarda men velosipedda sayr qilib dam olgim keladi.

— Atrofingizdagi insonlarga nisbatan…?

Menga ham insonlar mehrli munosabatda bo`layotganligini ko`rsam men ham xuddi ular qilgan munosabatni qaytaraman. Yaxshilkini hech qachon unutmayman.

— Sizga sevgi izhor qilayotgan yigitlarga javobingiz?

Muhabbatni taqiqlab qaytarib bo`lmaydi. Hech qanday javob qaytarmayman. Jim yuraman,shunda hammasi yaxshi bo`ladi.

— Ayni sevgi yoshidasiz? Bu tuyg`u haqida tasavvurlaringiz bo`lsa kerak.

Muhabbat bu parvoz. Kimnidir sevganingda doimo parvozda bo`lasan.

— Sochlaringiz rangi o`zi shunaqami?

Avvallari sal rangi ochroq “kashtan” rangida edi, ”Zirapcha” filmida quyuq rangni Bahrom aka talab qilganidan so`ng shu rangga bo`yashga majbur bo`ldim.

— Qaysi firmaning kosmetikasidan foydalanasiz?

“Coco Chanel”, ”Armani” kosmetikalaridan foydalanaman. Hozir yoz bo`lgani uchun ko`p bo`yanmayman.

—Ko`rinishingizdan yoz fasli sizga yoqadi?

To`g`ri topdingiz yoz eng sevimli faslim. Qishni sovuqligi uchun yomon ko`raman. Yozda qorayishim ham menga yaxshi ta’sir qiladi.

—Uy hayvonlarigachi?

Ha uyimizda, mushuk,it, baliqlar bor. ”Xanya” mushukchamni juda yaxshi ko`raman.

—O`zbek urf odatlaridan qay biri sizga yoqadi.

Yoqadiganlari ko`p, sizga yoqmaydiganini aytsam, ertalab oshga faqat erkaklarni chaqirishadi, bu noto`g`ri aslida ayollarni ham chaqirish kerak.

— Ayollar o`ylab topgan xar-hil tog`arali marosimlarchi?

Ular azaldan bo`lib kelgan. Bu narsa me’yorida bo`lsa albatta kerak. Faqat boylar qatori hozir ulardan kam bo`lmaslikka urinib oddiy xonadon vakillari ham 40-50 ta tog`ora qiladigan bo`lishgan. Bu narsa yaxshimas. Yanfi-yangi urf odatlarning avj olishini kamaytirish kerak. Bu narsani vaqti keldi.

— Kinolarda suratga tushib ko`p narsalarni o`rganibsiz. Endi kelajakda nima qilmoqchisiz?

Shu yilda Toshkent davlat iqtisodiyot va servis unuversitetga hujjat topshirdi. Agar o`qishga kirsam yaxshi, hozirda tayyorgarlik ko`rayapman. Agar oliygoh talabasi bo`la olmasam Moskvadagi Butun ittifoq kinematografiyasida tahsil olmoqchiman.

— Yuld.uz sayti o`quvchilariga nimani tilardingiz?

Ularning hammalari kulib yursinlar.Baxt, sog`lik ularni hech qachon tark etmasin.

Diana haqida qisqacha ma’lumotlar.
U chapaqay. Buni telefonini olayotganda, va boshqa yumushlar qilganida bildik.
1.Tug`ilgan yili 1990-yil 27 fevral. ”Toshkent shaxrida
2.Oilasi: Ziyoli oilada. Dadasi shifokor.
3.Bilimi: 27-maktab. Keyin Toshkent Turizm mutaxasisligi bo`yicha tahsil olgan.
4.Bo`yi: 170
5.Vazni: 48.
6.Kiyinish uslubi: Yevropa usulida. Yengil qulay kiyimlar
 
 
Feruzabonu Berdiyeva suhbatlashdi