Главная » 2009»Октябрь»22 » Cомали қароқчилари француз ҳарбий кемасига ҳужум қилди
01:30
Cомали қароқчилари француз ҳарбий кемасига ҳужум қилди
Француз ҳарбий кучлари адмирали Кристоф Празюкнинг сўзларига кўра, воқеа 7 октябр куни Сомали қирғоқларидан 460 км. узоқда «Ла Сомм» ҳарбий кемаси бошқа француз кемаси томон ҳаракатланаётганда содир бўлган.
Қоронғу бўлгани учун ҳам жиноятчилар ҳарбий кемани фуқаро танкери деб ўйлашган ва уни қўлга олишга уринганлар. Аммо тез орада ўз хатоларини англаган қароқчилар иккита моторли қайиқда қоча бошлаган. Уларнинг ортидан тушган ҳарбий кема ичида беш нафар жиноятчи бўлган қайиқлардан бирини қўлга туширишга муваффақ бўлган. -Ҳужум қилганлар асирга олинди. Жароҳатланган йўқ,-деб баёнот берди Празюк. Бу сомалилик «океан эгалари»нинг биринчи марта ноқулай аҳволга тушиб қолишлари эмас, хабар беради «ИТАР-ТАСС». Шу йилнинг май ойида ҳам француз кемаларидан бирини «қўлга туширмоқчи» бўлган қароқчилар тақдири қамоқхона билан якун топган эди.
