| Статистика |
XOZIR SAYTDA 5 MEXMON 5 FOYDALANUVCHI 0 |
|
 | |  |
| Главная » 2010 » Февраль » 17 » «Бунёдкор» янги футболчиларини таништирди
08:28 «Бунёдкор» янги футболчиларини таништирди |
|
"Бунёдкор” ФК жамоа таркибига бу йил жалб этилган футболчилар тўртлигининг тақдимот маросимини ўтказди.
"Жар” стадиони анжуманлар залида ташкил этилган ушбу тадбирнинг биринчи ва иккинчи қисмларида клубнинг янги спорт директори Муродилла Алимбаев, футболчилар Анзур Исмоилов, Александр Ковалёв, Денилсон ва Стевица Ристич қатнашдилар.
Дастлаб журналистлар билан учрашувга ҳимоячилар – Исмоилов билан Ковалёв ташриф буюришди. Орадаги суҳбатдан сўнг янги "қалдирғочлар” "Бунёдкор”да тўп сурадиган ўз рақамларига эга бўлишди. Уларга футболкаларни "Бунёдкор” ФК Кузатув кенгаши раиси Таваккал Исмоилов топширди. Исмоилов "Бунёдкор”да ҳам ўз жонажон рақамига эга бўлди - №24. Ковалёв эса 31-рақамни олди.
Тақдимот маросимининг иккинчи қисми қаҳрамонларига "Похан Стилерз” сафида 2009 йилги Осиё Чемпионлар лигаси ғолиблари – ҳужумчилар Денилсон ва Стевица Ристич айланишди. Улар, тегишлича, 11 ва 5-рақамлар соҳиблари бўлдилар.
Маросимнинг якунловчи қисмида "қалдирғочлар” бош мураббийи Луиз Фелипе Сколари 2010 йилги футбол мавсуми бошланаётганлиги муносабати билан уюштирилган матбуот анжуманида журналистлар саволларига жавоб берди.
(Журналистлар саволларига футболчилар ва бош мураббий берган жавоблар билан кейинги материалларимизда танишасиз)
ЯНГИЛАР-2010
2010 йилги мавсумда "Бунёдкор” таркибида шу йилнинг январь ойида жамоамиз сафига келиб қўшилган тўрт нафар янги футболчи ўз дебютини ўтказишади.
ДЕНИЛСОН МАРТИНС НАСИМЕНТО
Фуқаролиги: Бразилия
Амплуаси: Ҳужумчи
Туғилган санаси ва жойи: 04.09.1976 йил Сальвадор шаҳри – Бахия штати пойтахти (Бразилия)
Бўйи 177 см, вазни 80 кг
Ўйнаган жамоалари:
• «Камасари» (Бразилия) – 1995-1996
• «Фейеноорд» (Голландия) – 1996-1997
• «Пари Сен-Жермен» (Франция) – 1997-1998
• «Униао де Ламас» (Португалия) – 1998-1999
• «Ал-Шабаб» (Дубай, БАА) – 1999-2002
• «Дубай Клаб» (БАА) – 2002-2004
• «Ал-Наср» (Дубай, БАА) – 2004-2005
• «Атлас» (Мексика) – 2005
• «Дэджон Ситизен» (Жанубий Корея) – 2006-2007
• «Похан Стилерз» (Жанубий Корея) – 2008-2009
• «БУНЁДКОР» (Тошкент) – 2010 йилдан буён
ЮТУҚЛАРИ: Франция кубоги соҳиби (1998), Франция Лига кубоги соҳиби (1998), Жанубий Корея футбол Ассоциацияси кубоги соҳиби (2008), «Кей» Лига кубоги соҳиби (2009), Осиё Чемпионлар лигаси ғолиби (2009), клублар ўртасидаги жаҳон чемпионатининг энг яхши тўпурари (2009, 4та гол билан).
СТЕВИЦА РИСТИЧ
Фуқаролиги: Македония
Амплуаси: Ҳужумчи
Туғилган санаси ва жойи: 23.05.1982 йили Вршац шаҳри (Сербия)
Бўйи 188 см, вазни 84 кг
«Вршац» ФК мактаби тарбияланувчиси
Ўйнаган жамоалари:
• «Вршац» (Сербия)
• «Младост Люкс» (Сербия) – 2003
• «Силекс» (Кратово, Македония) – 2003-2006
• «Чжонбук Хёндэ Моторс» (Жанубий Корея) – 2007-2008
• «Похан Стилерз» (Жанубий Корея) – 2008-2009
• «БУНЁДКОР» (Тошкент) – 2010 йилдан буён
Македония терма жамоаси сафида 2007-2009 йилларда 8та учрашувда майдонга тушиб, 1та гол киритган. Шу ўйинлардан учтаси ЕВРО-2008, 3таси ЖЧ-2010 саралаш баҳсларига тўғри келади. Терма жамоадаги ўзининг ҳозирча ягона бўлиб турган голини 2007 йил 7 февралда Албания терма жамоаси билан кечган ўртоқлик учрашувида киритган (якуний ҳисоб - 1:0).
ЮТУҚЛАРИ: Жанубий Корея футбол Ассоциацияси кубоги соҳиби (2008), «Кей» Лига кубоги соҳиби (2009), Осиё Чемпионлар лигаси ғолиби (2009).
Македония олий лигасининг энг яхши тўпурари:
2004/05 – «Силекс» таркибида 26та гол билан
2005/06 – «Силекс» таркибида 28та гол билан (бу натижа 1995/96 йиллардаги мавсумдан бери шу кунгача Македония чемпионатидаги энг яхши кўрсаткич ҳисобланади).
ИСМОИЛОВ АНЗУР ҲУСАНОВИЧ
Фуқаролиги: Ўзбекистон
Амплуаси: Ҳимоячи
Туғилган санаси ва жойи: 21.04.1985 йил Тошкент шаҳри
Бўйи 190 см, вазни 85 кг
«Трактор» (Тошкент) футбол мактаби тарбияланувчиси
Ўйнаган жамоалари:
• «Солиқчи» (Тошкент, 2-лига) – 2000
• «Трактор» (Тошкент, ўринбосарлар) – 2001
• «Трактор» (Тошкент, асосий таркиб) – 2002 йилнинг 1-давраси
• «Пахтакор» (Тошкент, ўринбосарлар) – 2002 йилнинг 2-давраси – 2006 йилнинг 1-давраси
• «Самарқанд-Динамо» (асосий таркиб) – 2006 йилнинг 2-давраси
• «Пахтакор» (Тошкент, асосий таркиб) – 2007-2009
• «БУНЁДКОР» (Тошкент) – 2010 йилдан буён
Ўзбекистон ўсмирлар ва ёшлар терма жамоаларида тўп сурган. Олимпия терма жамоамиз таркибида Пекин-2008 Олимпиадаси саралаш баҳсларида иштирок этган. Миллий терма жамоамиз сафида 19 учрашувда майдонга тушган. Осиё кубоги-2007 иштирокчиси.
Ўзбекистон миллий терма жамоаси сафида илк учрашувини 2007 йил 2 июлда Жанубий Кореяда Ироқ (2:0) терма жамоасига қарши ўтказган.
ЮТУҚЛАРИ: Ўзбекистон чемпиони (2007), Ўзбекистон чемпионати кумуш медали совриндори (2008 ва 2009), Ўзбекистон кубоги соҳиби (2007 ва 2009).
КОВАЛЁВ АЛЕКСАНДР АЛЕКСАНДРОВИЧ
Фуқаролиги: Ўзбекистон
Амплуаси: Ҳимоячи
Туғилган санаси ва жойи: 24.09.1986 йил Жамбул шаҳри (Қозоғистон)
Бўйи 180 см, вазни 78 кг
ТАПОиЧ (Тошкент) футбол мактаби тарбияланувчиси
Ўйнаган жамоалари:
• «Локомотив-2» (Тошкент, 1-лига) – 2004
• «Локомотив» (Тошкент, олий лига) – 2005
• «Динамо» (Самарқанд, олий лига) – 2006 йилнинг 1-давраси
• «Насаф» (Қарши) – 2006 йилнинг 2-давраси - 2007
• «Металлург» (Бекобод) – 2008-2009
• «БУНЁДКОР» (Тошкент) – 2010 йилдан буён
Ўзбекистон миллий терма жамоасига номзод ҳисобланади.
ЮТУҚЛАРИ: "Насаф” таркибида Ўзбекистон чемпионати кумуш медали соҳиби (2006).
|
|
Категория: Новости Футбола |
Просмотров: 962 |
Добавил: JAVOXIR
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
