"Бунёдкор” – "Ал-Иттиҳод” беллашувини бошқарадиган ҳакамлар бригадаси эълон қилинди. Бош ҳакам – халқаро мусобақаларда 2005 йилдан буён иштирок этиб келаётган австралиялик 32 ёшли Бенжамин Уильямс. Унга ватандошлари Жейсон Пауэр ва Хакан Аназ бевосита майдонда ёрдам беришади. "Бунёдкор” ва Саудия Арабистонининг "Ал-Иттиҳод” клублари ўртасида 2010 йилги Чемпионлар лигасининг 1-турида кечадиган "В” гуруҳидаги марказий баҳсга Осиё футбол конфедерацияси тайинлаган расмий шахсларнинг тўлиқ таркиби билан танишинг:
Рефери: Бенжамин Уильямс (Австралия)
Рефери ассистенти 1: Жейсон Пауэр (Австралия)
Рефери ассистенти 2: Хакан Аназ (Австралия)
Захирадаги ҳакам: Бердимурот Ниёздурдиев (Туркманистон)
Ҳакамлар эксперти: Салим Саид С. Рашид (БАА)
Учрашув комиссари: Айман Сауд Харун (Иордания) "Қалдирғочлар” Чемпионлар лигасида шу кунгача 19та учрашув ўтказган бўлсалар, бу баҳсларни жами 11та давлат реферилари бошқарган. Австралия – айнан шулардан бири. "Бунёдкор”нинг иккита ўйинини Яшил қитъадан бўлган реферилар ўтказишган. Ўтган йилги турнир стартида Даммамнинг "Ал-Иттифоқ” жамоасига қарши кечган учрашувни Петер Грин бошқарганди. "Бунёдкор” шу куни саудияликларни 2:1 ҳисобида мағлуб этган.
"Ал-Иттифоқ” билан сафардаги беллашувда ҳам австралиялик рефери хизмат қилган. Мезбонларнинг ғалабаси билан тугаган (4:0) ўйинни айнан Бенжамин Уильямс ўтказган эди.

Эслатиб ўтамиз, "Бунёдкор” – "Ал-Иттиҳод” (Жидда) учрашув 23 февраль куни "Жар” стадионида ўйналади. Бошланиш вақти – соат 16:00да