Bo`larkansan yoshlikda nodon,
Kibri baland, g`ururi osmon.
Izimizdan yig`ladingiz qon,
Biz kuydirib ketgan yigitlar.
Sovg`angizni otvorgandig-a,
Xatingizni yirtvorgandig-a,
Pisand qilmay ketvorgandig-a,
Biz kuydirib ketgan yigitlar.
Tanlab - tanlab uchrab toziga,
Chidayapmiz firoq noziga.
Arz qilamiz qaysi qoziga,
Biz kuydirib ketgan yigitlar.
Onangizey patirlar yopib,
Uyimizni kidirib topib,
Xar uch kunda kelardi chopib,
Biz kuydirib ketgan yigitlar.
Oldingizdan o`tamiz kesib,
Ko`ylagimiz yamog`in tusib,
Jilmayamiz tursak xam o`ksib,
Biz kuydirib ketgan yigitlar.
Yoningizda bizdan go`zal yor,
Yashayapsiz to`kis, baxtiyor,
Maqtangudek bizda nima bor ?
Biz kuydirib ketgan yigitlar.
Noshud erning qo`lida xormiz,
Suyanchig`ga, mexriga zormiz,
O`lmadig-a xaliyam bormiz,
Biz kuydirib ketgan yigitlar.
Elkamizda ro`zg`or xaltasi,
Egnimizda xitoy lattasi,
Uvol buldik gapning kaltasi,
Biz kuydirib ketgan yigitlar.
Turmush og`ir, asablar tarang,
Eplay olmay boshimiz garang,
Kim edigu, kim bo`ldik, qarang,
Biz kuydirib ketgan yigitlar.
Kucha - kuyda ko`rarsiz balki,
Xayron bulib o`tarsiz balki.
"O`la!" deya kularsiz balki,
Biz kuydirib ketgan yigitlar.
Xijolatdan yuramiz cho`kib,
"Attang" deya ko`z yoshlar to`kib,
Yashayapmiz taqdirni so`kib,
Biz kuydirib ketgan yigitlar.
Tupurib qalbingiz qo`riga,
O`zimizni oldik to`riga,
Tegmadigam sizdan zo`riga
Biz kuydirib ketgan yigitlar.
Marxabolar duoda doim:
Zulm ko`rmang endi iloyim,
Beraversin omad Xudoyim,
Biz kuydirib ketgan yigitlar.
Marxabo Karimova
|
