| Статистика |
XOZIR SAYTDA 6 MEXMON 6 FOYDALANUVCHI 0 |
|
 | |  |
| Главная » 2010 » Сентябрь » 23 » Бир севги тарихи
|
"Танишинглар, бу янги укувчимиз исми Бобур якинда келди шахарга, уйлайманки сизлар билан бир жойда илм олиб тезда тил топишиб кетасизлар” деди ва мени уртадаги буш жойлардан бирига уткизди. Мен индамас, камгап, одамови, хали шахар хаётини курмаган йигит эдим.
Мен ушанда 16 ёшда эдим. Синфдаги болалар танаффусда жуда хам туполон киларди.Уларнинг ичидан сизни жимгина томоша килишни ёктирардим. Негаки сизнинг жамолингиз мени уша укитувчимиз бошлаб келган кунда узига мафтун этганди. Ушанда сиз кошлари коп –кора,сочлари узун, юзлари оппок кузларингиз чарос ва мафтункор киз эдингиз.
Сизга булган мехрим ушанда бегуборгина хали корга из тушмаган мисоли эди. Аммо мен юрагимда борини сизга айтолмасдим тугрироги менда айтишга журьат йук эди. Сиз эса шух кулиб турадиган тилингизда озгина захари бор аммо зехни уткир киз эдингиз.
Кунлар хар кун бир хил шу зайлда утаверарди .Вакт утиб мактабга бормасам туролмайдиган булиб колдим .Сизни кузатардим… Сиз мактабдан чикиб кетганингиздан кейин изингиздан то куздан йуколмагунча пинхона термулиб карардим. Аммо сизга этиборимни умуман билдирмадим.
Дарсларда ён партамдаги кизлар инлиз тили дарсларида мендан билмаганини сураб турарди Айникса ёзма иш вактида партадошларим хол- жонимга куйишмас, мендан кучиришга харакат киларди. Аммо сиз бошкача эдингиз. Сизда магрурлик хама нарсадан устун эди.Ёнимдаги кизлар мен билан гаплашганда баьзан сиз уларга ёвкараш килиб карардингиз. Буни сезардим. Бу сизни эьтиборингиз эди. Аммо сиз буни бекитар эдингиз. Мен сизни уша "магрур”лигингизни ёктирардим .
Орадан бир йил утди. Сизни кун сайин чирой очишингиз мени юрагимни аланга олдирар эди. Йиллар утган булсада хали хам кечагидек ёдимда сизга биринчи бор мухаббатимни изхор этганим. Бу сизни тугилган кунингизда эди. Мен сизга ушанда канака совга берсам экан деб роса бош котиргандим .Тугрироги менда сизга яхширок совга олиш учун пул хам йук эди.Оиламиз урта хол оила эди. Сизда эса хамма нарса бор, узига тук оиладан эдингиз. Чунки эсимда канака янги нарса чикса бу сизда буларди. Дадангиз олиб берган электрон митти калькуляторни синфдошларим соатлаб томоша килишгани ёдимда.Чунки у вактлар кул телефонларининг пайдо булиши бизнинг хаёлимизга сигмаган вактлар эди.
Мен уймакорлик касбига кизкардим . Ёдимда ушанда хозиргидагидек суратга тушиш йук эди . шу сабабдан ёгочдан юрак шаклидаги очилиб ёпиладиган туморча ясагандим. Сизни согинсам шу туморчага термулиб утирадим. Туморчанинг юзида сизнинг исмингиз катта-катта килиб "МАФТУНА” деб ёзилганди. Исмингиз чиройли эди такрор айтишдан чарчамасдим. Хуллас тугилган кунингизга шу туморча яширин равишда совга килмокчи булдим. Туморчага ичига оппок когозга " Мафтуна сизни севаман!” деб ёздимда сунг ёпиб сумкангизга солиб куйдим . Буни сизга билдирмадим. Узингизга эса ховлидан бир дона атиргул олдим-да мактабда катта танаффусда уни сизга шу суз билан тортик килдим. "Мафтуна сизни яхши кураман”. Ушанда севаман деган сузни айтолмадим.
Сизга изхоримни айтдиму аммо мени устимдан дугонангиз билан кулганингизда хам жим утиравердим . Эсимда шу сузлар " Сиз хали яхши куришни хам биласизми каранг-а индамасдан юриб топган гапини” Кейинчалик сизнинг устимдан кулишларингизга хам урганиб кетдим .Эрталаб мактабга бормасдан сизни уйингиз каршисида кутиб утирардим. Сиз мен билан гаплашмасдингиз аммо шунда хам ортингиздан эргашиб борардим. Бир икки марта акаларингиз хам уртага олиб синглимизни тинч куясанми йукми деб роса дуппослади аммо бу сизни севишимдан кайтара олмасди. Сизни хам эьтиборингиз йук эмасди аммо менинг мактабга кийиб юрадиган кийимларим оддий булганлиги, оиламизнинг оддийлиги ота-онамнинг оддий ишчи булиб ишлаши ва шунга ухшаган сабаблар сизни куп нарсадан кайтарарди чунки сиз киборли эдингиз! Мен билан гаплашишдан ор килардингиз.
Сизни севишимни бутун синф биларди. Буни хеч кимдан бекитиб булмасди.
Вактлар утди .Мактабни битирдик. Битирув кечасида хама синфдошларим олдида сизни севаман Мафтуна дея тиз чукиб гул тутганларимни эслай оласизми? Сиз учун дунёнинг у чеккасигига хам боришга тайёр эканлигимни билармидингиз? Нега мени севолмадингиз? Нега туйгулардан куркдингиз? Нега?
Мактабни тугатиб институтга укишга кирдим. Ушанда хурсанд эдим. Негаки талаба шарафига муяссар булган эдим. Сиз хам талаба булдингиз. Ёдингиздами охирги марта сизни курганим "мен талаба булдим” дея уйингизга боргандим. Ушанда ёмгир майин булиб томчиларди. Дугонангиз оркали сиз билан учрашдим бирок "Табриклайман " дедингиз-у бошка гаплашишни хохламадингиз. Ушанда сиздан биргина жилмайишни юрагим,кунглим канчалик согинганини билармидингиз? Аммо барибир сиздан кунгил узолмасдим. Сизни кургим келаверар, сочларингиз ва узун киприкларингизга термулгим келаверарди.
Сизни талабаликни туртинчи боскичида ота-онангиз унаштириб куйишди.Кимгалигини билмадим балки уни севгандирсиз, балки ота-онасини мансаби ёки мол-дунёси кузингизни олгандир?!
Ота-онамни юбордим совчиликка, аммо индамасдан жим кайтишди кузимда умид учкуни билан ота-онамни каршиладим. "Углим улар бизнинг тенгимиз эмас экан” деди дадам. Шунда мен билдим айрилик азоби нима? хижрон нима? Севги нима-ю унинг охири нима? Шунда Мен бир нарсани англаб етдим кимдир мехр ва севгига интилиб яшайди яна кимдир уткинчи хавасга.
Орадан йиллар утди. Кузнинг салкин кунлари. Ёмгир машина ойнасини силаб утарди. Минг хил хаёллар билан машинани хайдаб борардим. Ногахон бекатдаги аёлга кузим тушди-ю вужудим алланечук булиб кетди. Дарров машинани тухтатиб ва оркага юрдим. Юрагим хаприкиб аёл томон юзландим. Уни курдим-у кузларимга ишонмадим ,хотираларим юракда галаён ура бошлади буни суз билан таьрифлаб булмасди. Бу менинг уша киприклари узун кошлари калин илк севганим эди.Унинг аввалгидек кузлари порлок эмасди. Унинг шух жилмайишлари урнини "мунглик” ва” уйчанлик" эгаллаганди.Машинадан тушиб унинг ёнига бордим ва "cалом Мафтуна” дея олдим. Юрагимдаги хаприкиш хали хам босилмаганди. У салом дея менга каради-ю котиб колди. Биз бир-биримизга караб анча вакт туриб колдик. Хаёл кучасидан ёшлигимиз утди утганда хам юрагимни тирнаб-тирнаб утди. Сизнинг уйчан кузларингиз менга бир муддат бокиб караб колди. Мен хам кузларингизга термулдим. Ногахон кузингиз намланди-да илк куз ёшингиз ерга думалаб тушди. Балки бу алам ёки согинч кузёшидир.Сизни багримга босиб худи ёш боладек йиглагим келди. Сочларингиздан силаб эркалагим келди. Йук сиз бошка бировнинг халол рафикаси эдингиз. Эххх нега такдир бизни шу куйга солди нега шу куйга солди-ю яна бизни учраштирди.Шунча кийнагани етмасмиди? Кузларингиздаги томчи ёш дарёга айланди худди ёмгир ёгиб-ёгиб жалага айлангандек.
"Бобур мени кечиринг агар кечира олсангиз " дедингиз-у бошингизни багримга куйиб тулиб-тулиб йигладингиз. Сиздаги уша "магрур” ликдан асар хам колмаганди.Куз ёшларингиздан куйлагим нам булди. Сизнинг куз ёшингиз юрагимни силаб-силаб юварди гуё. Такдирнинг уйиними бу нега мен уни хали хам эсдан чикара олмадим. Ёмгир иккаламизни хам майин шабада аралаш эркаларди.
Мафтунам мен сиздан бошка хеч кимни шунчалик сева олмадим . Алвидо хаёт деб узимни жонимга касд килиб хам курдим аммо шу учрашишимиз олдиндан белгилангандек мендан улим хам юз угирди. Мана ёшим хам уттизга якинлаб колган булса-да оила куролмадим. Умид билан яшадим худи яна сиздек кизни топарканманми? деб.
Сизни сузларингизни тинглаб юрагим пора- пора булди.Мен сизга етишолмаган булсам-да лекин сизга бахт тилагандим.Турмуш уртогингиз сабаб фарзандингиз булмаганлиги ,турмушингиз бузилганидан юракларим эзилиб кетди. Худди юрагимни нимадир гажиётгандек. Кузларингиз менга тикилганда кузёшдан кизарган кузларингиз мени согингани мен учун талпинаётгани куриниб турарди. Аммо нега шу кузлар менга олдинрок термулмади. Мен сиз учун жонимни хам бермасмидим. Севгилим нега хозирги согинчингизни уша магрурлик ортига яширдингиз? Сиз уйингизда ягона киз булиб усган булсангизда сизнинг кунглингизга ота-онангиз карашардику? Нега севгини магрурлик билан алишдингиз? Сизга шон-шараф ёки бойлик керак булганда мен хам бера олардим аммо бахт билан бирга кушиб берардим. Мен сизга бахтни бера олардиму аммо бойликни кеч топдим.Бу бойлик мол-дунё бугун булса эртага булмайди. Менинг сизга етишолмаганим,айбим шу эдики, мени ушанда хозиргидек канакадир мансабга эга инсон эмас эдим. Оддий оиланинг фарзанди оддий бир кишлокда тугилиб усган бола эдим.
Сиз билан дардлашиб вакт утганини хам билмай колдим .Узок туриб колдик ушанда.Сиздан охирги саволим шу булди ”Мафтуна шу вактгача мени бир бора булсада эсладингизми? " Сиз эса кузларимга тикилиб турдингиз-да буйнингиздан ниманидир ечишга уриндингиз. Бу – уша тугилган кунингизда сизга билдирмасдан сумкангизга солиб куйган совга туморча эди. Унинг юзидаги "Мафтуна” ёзуви хали хам билиниб турарди.Исмингизни укиб юракларим тез-тез ура бошлади. Туморчани очиб ичидаги когозга назарим тушди. Когоз булагидаги ёзувни куриб юрагимнинг ич-ичидаги алам согинч хижрон айрилик умидсизлик тугён ура бошлади. Хотираларим, сизни совук кишда хам уйингиз ёнида кутганларим, сизнинг изингиздан термулиб караб колишларим , тунларни бемадор утказишларим хамма-хаммаси согинчга айланиб кузёш булиб юрак-юрагимдан куйилиб келди. Когоз парчасида эса хали хамон севгилимга ёзилган суз йиллар утсада мени кун келиб шу сузларни севгилимнинг ёнида укишимни кутиб турарди.
" Мафтуна сизни севаман!”
|
|
Категория: SEVGI |
Просмотров: 2855 |
Добавил: mitsumi
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
