(Бир пайтлар Юлдуз Усмонова ҳам Анвар Санаевнинг ижодини бўлмаса-да, ютуқларини жуда қадрлар эди)
Санаев ва Назарбеков ўрин алмашгандай... Мўлтиллаган кўзлар, орзулар энди Санаевга ҳамроҳ.
***
ДИЛДАГИ ҲАҚ ГАПЛАР! Назаримда, ҳар бир инсоннинг ўз касби давомида энг
гуллаган даври бўлади. Жумладан, санъаткор аҳли ҳаётида ҳам. Бир
пайтлар Анвар Санаев деса, қизлар сочини юларди. Стадионларда биронта
бўш ўриндиқ қолмасди. Вилоятлар бўйича энг таниқли хонанда деганда
деярли барча шоу-бизнес вакиллари фақатгина шу хонандани тан оларди.
Муҳриддин Холиқовнинг ижод мактабини ўтаган, фаолиятини устозининг
мусиқий гуруҳида доирачиликдан бошлаган, мўйловли ўсмир йигит бир
амаллаб қўшиқ дунёсига қадамлар ташлаганди. Овозидаги ғайритабиийлик
билан эса пойтахтда умуман эътибор қозона ҳам олмади. Бироқ,
чекка-чекка қишлоқлардаги юртдошларимиз ҳаммасига кўникди. Мухлислар
пайдо бўла бошлади... Тез фурсатда у танилиб кетди. Бунинг асосий
сабабларидан бири, хонанданинг оммадан оиласи, умуман,
уйланган-уйланмаганлиги ҳақидаги маълумотларни сир тутганлиги бўлса,
иккинчидан ташқи кўринишида ўзига хос эркакча имижни ярата олди. Бугун
донғи бутун элга достон Озодбек Назарбеков ҳам Санаевнинг бундай улкан
ютуқларига қўл етмас орзу каби қарарди. Ҳавас билан кўзларини
мўлтиллатарди. Ҳаёт ўзгаради, замон ҳам...Одамларни айтмаса ҳам бўлади!
Кеча Анвар учун чалинаётган минг-минглаб қарсак эгалари бугун бошқа
томон. Санаев қўлдан бой берган баланд машҳурлик бугун армон бўлиб
қолгандай...Санаев ва Назарбеков ўрин алмашгандай... Мўлтиллаган
кўзлар, орзулар энди Санаевга ҳамроҳ. Анвар куз ойларида янги яккахон
концерт бериши, шу мақсадда янги тароналар устида тер тўкаётгани ҳақида
маълумот берди. Энди бу янгилик билан мухлисларни қойил ҳам қолдириб
бўлмайди. Агар бу борада Озодбекнинг сарҳисобини инобатга олсак, 23 та
концерт билан у рекорд қўйиб бўлди. 2-3 кунлик концерт (агар шунда ҳам
аншлаг бўлса) билан мухлисларни баҳраманд қилиб бўлармикан?
Устига-устак, биронта хит таронасиз! "Муҳаббат куйчиси”...Бугун ҳам шу
шарафга муносибмисиз, Санаев? Ижод отини тезроқ қамчиланг. Йўқса, кези
келиб сизни Жасур Умиров билан таққослашади!
Жасур ҲАМРОЕВ
|
